Расман: "Тоттенхэм" Нуну Эшпириту Сантуни истеъфога чиқарди

47 ёшли португалиялик билан бирга Лондон клубини унинг бутун мураббийлар штаби ҳам тарк этади.

"Шпорлар" Англия чемпионатидаги 10 турда 15 очко жамғарган ҳолда 8-ўринда боришмоқда. Жамоа барча мусобақалардаги сўнгги 4та ўйинда 3та мағлубиятга учради - АПЛда эса сўнгги 7 баҳсда 5 мағлубият.

Олдинроқ "Вулверхэмптон"да ишлаган Нуну 2021 йилнинг июнида "Тоттенхэм"ни қабул қилиб олган эди.

"Шпорлар"ни бошқариши мумкин бўлганлар орасида унинг ватандошлари Сержиу Консейсау ("Порту") ёки Паулу Фосека (клубсиз), шунингдек "Интер" собиқ мураббийи Антонио Конте тилга олинмоқда.