U-23 Осиё чемпионати. Тошкентда саралаш босқичига қуръа ташланди. Ўзбекистон Кувайтга боради

42 иштирокчи жамоа Ғарб ва Шарқ минтақаларига бўлинган ҳолда саралаш босқичида қатнашади. Қуръа натижаларига кўра жамоалар 11та гуруҳда 15та йўлланма учун кураш олиб боришади.

Ўзбекистон терма жамоаси финал босқичи мезбони сифатида тўғридан-тўғри йўлланмага эга бўлган. Шунга қарамай вакилларимиз саралашда иштирок этишади ва ҳар қандай ҳолатда финал босқичига чиқади. Саралаш баҳслари 23-31 октябрь кунлари марказлашган ҳолда ўтказилиши режалаштирилган.

Ўзбекистон U-23 терма жамоаси саралашда "D" гуруҳидан жой олди. Кувайт мезбонлик қиладиган мазкур гуруҳда Саудия Арабистони ва Бангладеш терма жамоалари ҳам бор.

ҒАРБ МИНТАҚАСИ
"А" гуруҳи: Сурия, Қатар, Яман, Шри Ланка.
"B" гуруҳи: Эрон, Тожикистон, Ливан, Непал.
"C" гуруҳи: Ироқ, Баҳрайн, Афғонистон, Мальдив ороллари.
"D" гуруҳи: Саудия Арабистони, Бангладеш, Кувайт, Ўзбекистон.
"E" гуруҳи: БАА, Уммон, Ҳиндистон, Қирғизистон.
"F" гуруҳи: Иордания, Фаластин, Туркманистон.

ШАРҚ МИНТАҚАСИ
"G" гуруҳи: Австралия, Хитой, Индонезия, Бруней.
"H" гуруҳи: Жанубий Корея, Сингапур, Тимор-Лесте, Филиппин.
"I" гуруҳи: Вьетнам, Мьянма, Гонконг, Хитой Тайпеи.
"J" гуруҳи: Таиланд, Малайзия, Лаос, Мўғулистон.
"K" гуруҳи: КХДР, Япония, Камбоджа.