Ла Лига. "Барселона" "Валенсия"ни мағлуб этди ва чемпионлик учун курашни давом эттиради

Valencia Gabriel Paulista - 50', Carlos Soler - 83'

LaLiga . Round 34 03/05/2021, 00:00 3 : 2 Finished

Barcelona Lionel Messi - 57', Antoine Griezmann - 63', Lionel Messi - 69'

Stadium: Estadio Mestalla, 0 spectators

Referee: Jose Sanchez

45'

90'

35'  Uros Racic

50'  Gabriel Paulista

50'  Carlos Soler

56'  Toni Lato

64'  Toni Lato (Mouctar Diakhaby)

79'  Uros Racic (Kevin Gameiro)

79'  Hugo Guillamon (Christian Oliva)

83'  Carlos Soler

83'  Christian Oliva

57'  Lionel Messi

57'  Lionel Messi

63'  Antoine Griezmann

65'  Marc-Andre ter Stegen

69'  Lionel Messi

75'  Pedri (Ilaix Moriba)

75'  Sergino Dest (Sergi Roberto)

Open in Match Center

ЯНГИЛАШ

"Валенсия" – "Барселона" 2:3

"Месталья"

Голлар: 1:0 – 50 Габриэл Паулиста, 1:1 – 57 Месси, 1:2 – 63 Гризманн, 1:3 – 69 Месси, 2:3 – 83 Солер.

"Валенсия" – Силлессен, Тони Лато (Диакаби, 64), Гильямон (Гамейро, 79), Гайя, Васс, Гедеш, Рачич (Олива, 79), Габриэл Паулиста, Солер, Тьерри Коррейя, Макси Гомес.

"Барселона" – тер Стеген, Дест (Серджи Роберто, 75), Араухо, Лангле, Альба, де Йонг, Бускетс, Педри (Мориба, 75), Пике, Месси, Гризманн.

Огоҳлантиришлар: Рачич (35), Тони Лато (56), тер Стеген (65).

ЎЙИН ЯКУНЛАНДИ!

90. Учрашувнинг асосий вақтига 4 дақиқа қўшиб берилди.

85. Кутилмаганда ўйинда уйғониш содир бўлди. Гол урган "Валенсия" энди ҳисобни тенглаштиришга интилмоқда.

83. ГОООЛ! Солернинг супер зарбасидан сўнг ҳисоб қисқарди. Карлос 25-30 метр узоқликдан Тер Штеген дарвозасини нишонга олди ва мақсадига эришди.

82. Тўп яна "Валенсия" футболчисининг қўлига тегди, аммо бош ҳакам бу сафар пенальти бермасликка қарор қилди.

79. Месси бошлаган ҳужум муваффақиятсиз якун топди. Унинг узатмасини рақиб илиб кетди.

68. ГООЛ! Месси 23 метр узоқликдан дарвозани ишғол қилди. Лео ўз ҳисобига навбатдаги жарима зарбасидан урилган голни ёзиб қўйди. Аргентиналик форварднинг зарбасидан сўнг тўп ўнг устунга тегиб, дарвозага кириб кетди.

67. Бугун Лео жаримадан гол урмай майдонни тарк этмаса керак. "Валенсия" футболчилари Леони жарима майдончаси яқинида йиқитишда ва ҳакам фол қайд этди.

63. ГОООЛ! Гризманн "Барселона" ҳисобда олдинга чиқиб олишини таъминлади. Аввалига тўп қанотдан жарима майдончасига узатилди, Альбанинг узатмасидан сўнг Де Йонг бош билан ҳамюрти дарвозасига зарба берди. Яспер қайтарган тўпни Гризманн бўш дарвозага жойлаб қўйди.

57. ГОООЛ! Лекин пенальтидан эмас. Силессенн Леонинг зарбасини қайтарди, кейин Бускетс қайтган тўпни жамоадошига узатди, Педрининг зарбаси қайтарилди ва ниҳоят Месси гол урди.

56. Пенальти! "Валенсия" футболчиси ўз жарима майдончаси ичида тўпни қўли билан ўйнади. Тўп қаршисида Месси.

54. Дембеле машғулотларни бошлаб юборди. Ҳа, Усмонсиз ишлар юришмаяпти.

52. Яна бир хавфли ҳужум... Тьерри Корреанинг зарбасидан сўнг тўп дарвоза ёнгинасидан ўтиб кетди.

50. ГОООЛ! Бурчак узатмасидан сўнг Габриэль Паулиста бош билан ҳисобни очди. Ўша вазиятда ҳамма тўхтаб қолди ва Тер Штеген йиқилиб, ҳакамдан бир нималарни сўради. Ҳаммасини ВАР текшириб кўради. Гол ҳисобга олинди.

49. Гонсало Гедешнинг тезкор қарши ҳужуми гол билан якунланиши мумкин эди, аммо Тер Штеген рақиб футболчисининг зарбасини қайтаришга муваффақ бўлди.

46. Иккинчи бўлим бошланди.

ТАНАФФУС!

44. Альбанинг навбатдаги узатмаси ва навбатдаги омадсизлик. Ҳа, айтганча, бугун "Барселона"ни Рональд Куманнинг ёрдамчиси бошқармоқда. Чунки ўтган баҳсда нидерландиялик мутахассис четлатилган эди.

40. "Барселона" футболчилари яна бир ўта хавфли вазиятдан гол ура олишмади. Альба чап қанотдан тўпни марказга узатди, аммо тўпни дарвозага буриб қўядиган мард топилмади.

35. Урош Рачич рақибига нисбатан қўпол ўйнагани учун сариқ карточка билан жазоланди.

31. Зарбаааа... Месси тепган тўп дарвоза устидан ўтиб кетди.

30. Месси рақиб жарима майдончаси олдида фол ишлаб олди ва бу нуқтадан ўйиндаги ҳисобни очиши мумкин.

24. Альба ўз дарвозага зарба берадиган вазиятда тўпни Мессига узатишга қарор қилди. Узатма йўлига "Валенсия" футболчиси тўғаноқ бўлди ва ҳужум бартараф этилди.

20. Араухонинг хатосидан сўнг "Валенсия" тезкор қарши ҳужумга ўтди, бироқ Гайянинг зарбасидан сўнг тўп устун ёнидан ўтиб кетди.

18. Меҳмонларнинг хавфли ҳужуми гол билан якунланиши мумкин эди, аммо Антуаннинг чап қанотдан марказга узатган тўпига зарба берадиган футболчи топилмади.

12. "Барселона" рақиб жарима майдончаси олдида стандарт вазият ишлаб олишди. Месси зарба бермади, узатма амалга оширди. Тўпга Араухо зарба берди, аммо ҳозирги кунда "Валенсия" шарафини ҳимоя қилаётган Каталония клуби собиқ посбони Силессен тўпни қайтаришга муваффақ бўлди.

7. Чемпионлик учун курашаётган "Реал" ва "Атлетико" ушбу турда ғалабага эришишди. "Барселона" ўз имкониятларини сақлаб қолиши учун ғалаба қозониши лозим.

3. ХАВФЛИ ВАЗИЯТ! Месси бошлаб берган ҳужумни Педри ўнг оёғи билан якунлаши мумкин эди, аммо унинг зарбасидан сўнг тўп дарвоза ёнгинасидан ўтиб кетди.

1. Учрашув бошланди.

"Валенсия" – "Барселона"

00.00, "Месталья"

"Валенсия" – Силлессен, Тони Лато, Гильямон, Гайя, Васс, Гедеш, Рачич, Габриэл Паулиста, Солер, Тьерри Коррейя, Макси Гомес.

"Барселона" – тер Стеген, Дест, Араухо, Лангле, Альба, де Йонг, Бускетс, Педри, Пике, Месси, Гризманн.