Эшитдик-да! Достонбек Ҳамдамов БАА клубига ўтади

Championat.asia сайти маълумотига кўра, Достонбек Ҳамдамов яқин кунлар ичида БААнинг "Ал Наср" клуби билан шартнома тузади. Ҳамдамовнинг "Пахтакор" билан шартномаси 31 декабрь куни якунига етди.

Достонбек бир неча кун давомида Дубайда оиласи билан хордиқ чиқарди ва Тошкентга қайтиб келди. Тез орада футболчимиз Дубайга шартнома тузиш учун боради.

Маълумот учун, Дубайнинг "Ал Наср" клуби 1945 йилда ташкил топган. Ўз уй ўйинларини 15058 томошабинга мўлжалланган "Ал Мактум" стадионида ўтказади. Жамоани айни пайтда хорватиялик Крунослав Юрчич бошқармоқда. БАА про лигасида 12та турдан кейин "Ал Наср" 24 очко билан мусобақа жадвалида 3-ўринда бормоқда. Клуб сафида Райан Мендес (Капо Верде), Брандли Кувас (Кюрасао), Диа Саба (Исроил), Тозе (Португалия) каби легионерлар фаолият олиб бормоқда.