ЕЧЛ. Захирадан тушган Родригонинг голи "Реал Мадрид"га муҳим ғалабани келтирди
04 nov 2020 02:50
News

ЕЧЛ. Захирадан тушган Родригонинг голи "Реал Мадрид"га муҳим ғалабани келтирди

ЕЧЛ гуруҳ босқичи 3-тури доирасида "Реал Мадрид" - "Интер" учрашуви бўлиб ўтди.

"Реал Мадрид" - "Интер" 3:2

Голлар: 1:0 – 25 Бензема, 2:0 – 33 Рамос, 2:1 – 35 Мартинес, 2:2 – 68 Перишич, 3:2 – 80 Родриго.

"Реал Мадрид" – Куртуа, Менди, Варан, Рамос, Васкес, Вальверде, Кроос (Модрич, 78), Асенсио (Родриго, 64), Каземиро, Азар (Винисиус Жуниор, 64), Бензема.

"Интер" – Ханданович, Янг, де Врей, Д`Амброзио, Хакими, Барелла (Гальярдини, 78), Видаль (Наингголан, 87), Перишич (Санчес, 78), Брозович, Бастони, Мартинес.

Огоҳлантиришлар: Видаль (44), Менди (48), Брозович (51), Вальверде (62), Барелла (72), Каземиро (85), Куртуа (90).

Real Madrid

Karim Benzema - 25', Sergio Ramos - 33', Rodrygo - 80'

Champions League Grp. B . Round 3

04/11/2020, 00:00

Finished

Inter

Lautaro Martinez - 35', Ivan Perisic - 68'

Stadium: Alfredo Di Stefano, 0 spectators

Referee: Clement Turpin

45'

90'

Open in Match Center

Ушбу саҳифада учрашувнинг матнли трансляциясини кузатиб боришингиз мумкин бўлди.

ЯНГИЛАШ

Бўлди, нейтрал мухлислар учун ажойиб руҳда ўтган беллашув "Реал Мадрид"нинг ғалабаси билан якунланди. "Интер" гуруҳдаги ҳолатини жуда оғир қилиб қўймоқда. Эътиборингиз учун ташаккур, саломат бўлинг!

90+3-дақиқа. Лука Модричнинг ажойиб пасидан кейин Бензема тўпни қабул қилиб олди ва ҳимоячини чалғитиб зарба йўллади, Самир Ханданович бир амаллаб тўпни қайтариб юборди.

90+2-дақиқа. Эшли Янг қанотдан узатмани амалга оширди, лекин Ферлан Менди орқасидан келаётган Ашраф Хакими тўпга етишига имкон қолдирмади.

90-дақиқа. Учрашувнинг асосий вақтига 3 дақиқа қўшиб берилди!

88-дақиқа. Карим Бензема ҳимояга ёрдамга келиб, тўпни олиб қўйди ва ўйинни рақиб томонига кўчирди.

Бир томон шошилганидан, иккинчиси хатога йўл қўйишдан қўрққани учун бир неча дақиқадан буён пала-партиш футбол намойиш этишмоқда.

86-дақиқа. Алексис Санчеснинг зарбаси "жонли деворга" тегди ва меҳмонларнинг иккинчи уриниши эса ўхшамади.

85-дақиқа. Мартинесга нисбатан қўполлик учун Каземиро сариқ карточка "ишлаб олди". Хавфли жарима зарбаси!

Энди рақибга етдим деганда яна ҳеч нимасиз қолиб кетаётган "Интер"га бундай вазият ёқмаслиги турган гап. Шу сабабли ҳам ўйиннинг охирги 10 дақиқасида зўр футбол кўрсак ажаб эмас. Жамоаларнинг бири йўқотадиган нарсаси қолмагани учун ҳам фақат ҳужумга интилади.

80-дақиқа. ГООООООООЛ! Родриго "Реал"ни олдинга олиб чиқди! Винисиуснинг фаоллиги ва узатмасидан кейин Родриго ажойиб зарба билан дарвозабонга имкон қолдирмади.

78-дақиқа. Тони Кроос ўрнига эса ўйинни Лука Модрич давом эттиради.

Николо Бареллани Роберто Гальярдини алиштирди, Иван Перишич ўрнига Алексис Санчес ўйинга қўшилди.

77-дақиқа. Тўпни ололмаган Перишич Ферлан Мендини қучоқлаб олди.

76-дақиқа. Иван Перишич бироз аввалроқ урган голини такрорламоқчи бўлди, лекин аниқлик етишмади.

75-дақиқа. Навбатдаги хавфли вазият. Яна "Реал" ҳимоячилари ишончли ўйин кўрсата олмаётганидан рақибда имкон юзага келди, лекин Лаутаро Мартинеснинг зарбаси бироз ноаниқ кетди.

74-дақиқа. Каземиро кутилмаганда тушунарсиз ҳаракат билан тўпни узоқларга равона қилди.

73-дақиқа. Эшли Янг таваккал қилиб ўтирмай тўпни майдондан ташқарига чиқариб юборди. Бурчак тўпидан "Реал" наф чиқара олмади.

71-дақиқа. Қанотдан олдинга ўтмоқчи бўлган Винисиусни қўполлик билан тўхтатишди.

68-дақиқа. ГООООООЛ! Иван Перишич ҳисобни тенглаштирди! Ҳимоячиларнинг сусткашлигидан меҳмонлар фойдаланиб қолишди ва хорватиялик футболчи мувозанатни тиклади.

67-дақиқа. Ферлан Менди рақиблар жарима майдонига кириб кетишига йўл қўймади ва бир йўла икки рақибини доғда қолдириб, тўпни жамоасига олиб берди.

66-дақиқа. Лукас Васкес тўпни Бенземадан қабул қилиб олгач, узоқ ўйлаб ўтирмай, зарба берди, аммо бироз аниқлик етишмади.

65-дақиқа. Ҳозиргина майдонга тушган Родригога нисбатан Эшли Янг қўполлик ишлатди. Бразилиялик футболчи майдонда ётибди.

64-дақиқа. Винисиус Жуниор ва Родриго ўйинга қўшилди. Эден Азар ва Марко Асенсио учун бугунги ўйин якунланди.

63-дақиқа. Лаутаро Мартинес қанотдан амалга оширилган узатмани дарвозага тўғрилаб қўйишига Рамос йўл қўймади.

62-дақиқа. Бареллани бу сафар Вальверде қарши олди ва қўполлиги учун сариқ карточкага лойиқ кўрилди.

59-дақиқа. "Реал" футболчилари рақиб прессинг уюштиришига қарамай, тўп оширишлари эвазига ҳимоядан чиқишни уддалади.

57-дақиқа. Серхио Рамос Николо Бареллани жуда "илиқ" кутиб олди ва тўпни майдон ташқарисига чиқариб юборди. "Интер" футболчиси шифокорлар ёрдамида майдонни тарк этишга мажбур бўлди.

55-дақиқа. Қанотдан олдинга ўтган Каземиро тўпни жамоасида сақлаб қола билди.

Эден Азар бироз оқсаганча ўйинни давом эттирмоқда.

51-дақиқа. Сариқ карточка. Иккинчи бўлим қўполликлар билан бошланди десак муболаға бўлмайди. Марсело Брозович бельгиялик ҳамкасби Эден Азарга нисбатан қоидани бузди.

50-дақиқа. Тўп учун курашда Иван Перишич ўзини ортда қолдирган Рафаэль Варанга нисбатан қўполлик ишлатди ва ҳакам буни беэътибор қолдирмади.

49-дақиқа. "Интер"нинг прессинги самараси ўлароқ Куртуа тўпни майдон ташқарисига тепиб юборди.

47-дақиқа. Ферлан Менди қанотдан тўп учун курашда Ашраф Хакимининг оёғини босиб олди ва сариқ карточка билан сийланди.

46-дақиқа. Лукас Васкес қанотдан олдинга ўтди ва тўпни Бенземага етказди, ҳужумчи эса дарҳол зарба йўллади, лекин ҳимоячилар Хандановичга иш қолдиришмади.

Иккинчи бўлимга старт берилди!

Биринчи бўлимга умуман вақт қўшиб берилмади! Танаффус!

44-дақиқа. Сариқ карточка! Артуро Видалга Лукас Васкесга нисбатан қўполлик учун сариқ карточка кўрсатилди!

41-дақиқа. Тони Кроос жарима зарбасини амалга оширди, Карим Бензема ўзи томон йўлланган тўп учун курашда ҳимоячига нисбатан қўполлик ишлатди деб топилди.

40-дақиқа. Марказда Видаль яна қоидани бузди. Бу сафар Каземиро жабрланувчи ролида.

37-дақиқа. Меҳмонлар ҳали курашдан чиққанича йўқ. Беллашув тахминларни оқлаган ҳолда анча қизиқарли руҳда давом этмоқда.

35-дақиқа. ГОООООЛ! Лаутаро Мартинес орадаги фарқни қисқартирди! Николо Барелла ажойиб ва кутилмаган ҳаракати билан Мартинесни қулай вазиятга чиқарди ҳамда ҳужумчи зарбада адашмади.

33-дақиқа. ГОООООООЛ! Серхио Рамос! Бурчакдан ошириб берилган тўпга мезбонлар сардори биринчи бўлиб етиб борди ва ҳисобни 2:0 кўринишига олиб келди.

30-дақиқа. Меҳмонлар яна Ашрафнинг қанотидан жарима майдонига киришга уриниб кўришди, Хакими тўпни Лаутарога етказди, лекин Варан ҳужумчидан тўпни олиб қўйишга эришди.

28-дақиқа. "Интер" ўнг қанотдан олдинга ўтишга уриниб кўрди, лекин Тони Кроос бунга йўл қўймади.

25-дақиқа. ГОООООООЛ! Карим Бензема! Ферлан Мендининг тақибидан кейин Ашраф тўпни дарвозабонга етказишда хатога йўл қўйди, Карим тезроқ ҳаракат қилиб, посбонни ҳам "қуруқ қўл" билан қолдирди ва бўш қолган дарвозага тўпни жойлаб қўйди.

Биринчи бўлимнинг ярми ортда қолган бир паллада шуни айтиш мумкинки, "Интер" ҳимояда ўта эҳтиёткор ўйин кўрсатиб, тўпни эгаллаб олиши биланоқ, катта тезликда ҳужумга ўтишга уринмоқда.

23-дақиқа. Васкес жарима майдони ичидаги Бенземани топди, франциялик футболчи боши билан тўпни Вальвердега қулай тарзда қолдирди, лекин уругвайлик футболчининг зарбаси кўнгилдагидек чиқмади.

21-дақиқа. Узоқ давом этган ҳужумнинг якунида Асенсио тўпни жарима майдонига етказиб берди, рақибларидан чаққонроқ ҳаракат қилган Самир Ханданович хавфни йўққа чиқарди.

19-дақиқа. Тўп учун курашда Ферлан Менди Тибо Куртуа билан тўқнашиб кетди.

18-дақиқа. Ҳар икки жамоа, аммо "Интер" айниқса эҳтиёткор футбол намойиш қилмоқда.

16-дақиқа. Майдон марказида жамоадошларига ёрдамга келган Рафаэль Варанга нисбатан қўполлик ишлатилди. Айбдор Артуро Видаль.

14-дақиқа. Артуро Видалнинг кучли зарбасидан кейин тўп дарвоза устунини "силаб ўтиб кетди".

12-дақиқа. Узоқ масофада турганига қарамай, Лукас Васкес билан "девор" услубида ўйнаб тўпни қайта қабул қилган Тони Кроос зарба йўллади, дарвозабон ўз ўрнида.

9-дақиқа. "Интер"нинг биринчи уринишиёқ сал қолса гол билан тугарди. Яна мадридликлар ҳимоя марказидаги муаммолар кўзга ташланмоқда, унинг оқибатида меҳмонлар вазиятга эга бўлишди, лекин охирги зарба кучсиз чиқди ва қўшимчасига, аниқлик етишмади.

7-дақиқа. Федерико Вальверде жарима майдонига кириб ўтирмай кучли зарба йўллади, бироз ноаниқ.

6-дақиқа. "Қироллик клуби"нинг навбатдаги ҳужуми муваффақиятсиз якунланди. Лекин ҳозирча "Реал" ким мезбонлигини кўрсатиб қўя олаётгандек.

4-дақиқа. Ўйиндаги илк хавфли вазият айнан Азарнинг фаоллигидан кейин юзага келди, аммо Асенсиони зарбасидан кейин Самир Ханданович катта қийинчилик билан бўлсада, тўпни қайтаришга эришди. Бурчак тўпидан наф чиқмади.

3-дақиқа. Ўз навбатида "Реал" чап қанотидан олиднга ўтишга уриниб кўрди, аммо Эден Азар нима қилишни ўйлагунча Ашраф Хакими тўпни илиб кетди.

2-дақиқа. Тахминан 2 дақиқа вақт давомида тўпни меҳмонлар назорат қилишди. Аммо ҳужумга ўтиш ниятида тўп Эшли Янгга етказилганди, Унга қарши Лукас Васкес ишончли ўйнади ва тўпни олиб қўйди.

1-дақиқа. Ўйин бошланди! Уни мезбонлар бошлаб беришди.

Жамоаларнинг асосий таркиблари эълон қилиб улгурилган. Ромелу Лукаку кутилганидек бугунги ўйинни ўтказиб юборади. Бу эса "Интер" учун катта йўқотиш. "Қироллик клуби" ўнг қанот ҳимоясида эса Лукас Васкес майдонга тушди.

ЯНГИЛАШ

Real Madrid

Karim Benzema - 25', Sergio Ramos - 33', Rodrygo - 80'

Champions League Grp. B . Round 3

04/11/2020, 00:00

Finished

Inter

Lautaro Martinez - 35', Ivan Perisic - 68'

Stadium: Alfredo Di Stefano, 0 spectators

Referee: Clement Turpin

45'

90'

Open in Match Center

"Реал Мадрид" Испания – "Интер" Италия
"Эстадио Альфредо Ди Стефано"
"Реал Мадрид" – Куртуа, Менди, Варан, Рамос, Васкес, Вальверде, Кроос, Асенсио, Каземиро, Азар, Бензема.
"Интер" – Ханданович, Янг, де Врей, Д`Амброзио, Хакими, Барелла, Видаль, Перишич, Брозович, Бастони, Мартинес.

Link :

Source : championat.asia

Receive latest football news directly on your phone. Subscribe for our Telegram channel!

Rating: +18