Latest news

19:32Тер Штеген Францияда операция қилинади  3 19:05Алиссон Осиё турнеси давомида "Ливерпул"ни тарк этди  1 18:38Артета Зинченкони "Арсенал"дан кетмасликка кўндирди  0 18:16Расман: Валижон Раҳимов – "Бунёдкор" аъзоси!  1 17:56"Челси" "Аталанта" ҳимоячисини сотиб олмоқчи  0 17:28Расман: Феликс Роналдунинг жамоадошига айланди  3 17:06Расман: Олимпиада бронза медали соҳиби "Машъал"га ўтди  5 16:37"Ал Насср" "Челси" ҳимоячисига даъвогар  1 16:15Сўнгги мавсумини Туркияда ўтказган дарвозабон "Андижон"га келмоқда  6 16:02Расман: "Пахтакор" Турғунбоевни сафига қўшиб олди  6 15:49Расман: Рустам Турдимуродов – "Сурхон" аъзоси!  7 15:32Грилиш "Манчестер Сити"да машғулотларни давом эттирмоқда  0 15:10Мираброр Усмонов Кубоги-2025 мусобақаси тақдирлаш маросимидан ГАЛЕРЕЯ  1 14:55Аёллар Осиё Кубогига қуръа ташланди: Ўзбекистон КХДР билан беллашади  2 14:37БУМ! Ўзбекистон МТЖ ноябрь ойида Тошкентда жаҳон чемпионига қарши ўйнайди  29

Йилнинг энг яхшиларини тақдирлаш маросими бўлиб ўтди News

Йилнинг энг яхшиларини тақдирлаш маросими бўлиб ўтди

Бугун, 24 декабрь куни Тошкентдаги "Зарафшон" залида ЎФА йиллик ҳисобот конгресси бўлиб ўтди.


Тадбир якунига етди.

18:50. Ниҳоят, "Йилнинг энг яхши футболчиси" номинациясига етиб келинди. Кучли учликка кирган футболчилар - Одил Аҳмедов ("Шанхай СИПГ"), Элдор Шомуродов ("Ростов"), Жалолиддин Машарипов ("Пахтакор"). Совринни ЎФА президенти Абдусалом Азизов топширади. Элдор Шомуродов "Йилнинг энг яхши футболчиси" деб топилди.

18:46. Соврин қўлга киритган Шота Арвеладзе Ўзбекистоннинг энг яхши мураббийини эълон қилади. Номзодлар - Рўзиқул Бердиев ("Насаф"), Улуғбек Бақоев ("Сўғдиёна") ва Вадим Абрамов ("Бунёдкор" ва Ўзбекистон терма жамоаси). Ғолиб - Вадим Абрамов.

18:42. Навбат "Суперлиганинг энг яхши мураббийи" совринига. Ғолибни Биродар Абдураимов аниқлаб берди ва соврин "Пахтакор" устози Шота Арвеладзега топширилди.

18:40. "Суперлига тўпурари" совринини топшириш учун XII Осиё ўйинлари ғолиби Игорь Шквирин саҳнага таклиф қилинди. Совринни 23та гол билан Суперлигада тўпурар бўлган Драган Черан қўлга киритди.

18:37. "Суперлиганинг энг яхши футболчиси" соврини учун номзодлар эълон қилинмоқда (Драган Черан, Жалолиддин Машарипов, Хуршид Ғиёсов). Ғолибни Сервер Жепаров аниқлаб беради. Соврин Драган Черанга насиб этди, аммо футболчи тадбирда йўқлиги туфайли совринни Жафар Ирисметов қабул қилиб олди.

18:32. Ўзбек футболи афсонаси Миржалол Қосимов саҳнага таклиф этилди. АГМК бош мураббийи йил рамзий терма жамоасини эълон қилади.

Дарвозабон: Абдувоҳид Неъматов ("Насаф")

Ҳимоячилар: Фарруҳ Сайфиев ("Пахтакор"), Игорь Голбан ("Навбаҳор"), Сардор Қулматов ("Сўғдиёна"), Хожиакбар Алижонов ("Пахтакор").

Ярим ҳимоячилар: Жалолиддин Машарипов ("Пахтакор"), Санжар Қодирқулов ("Бунёдкор"), Жамшид Искандеров ("Локомотив"), Хуршид Ғиёсов ("Бунёдкор").

Ҳужумчилар: Драган Черан ("Пахтакор"), Ҳумоюн Муртазоев ("Насаф").


18:26. Навбат Севар Назархон ижросидаги "Ватаним" қўшиғига.

18:22. "Йилнинг энг яхши аёл футболчиси" учун номзодлар эълон қилинди (Умида Зокирова, Мафтуна Шоимова, Диёрахон Ҳабибуллаева). Совринни Севара Назархон топширади. Элдор Шомуродов хонандага терма жамоамиз либосини тақдим этди. Демак, "Бунёдкор" вакиласи Умидахон Зоирова совринни қўлга киритди.


18:20. "Жасорат" номинациясида Ўзбекистон ампутантлар жамоаси ғолиб бўлди.

18:19. "Энг яхши футзалчи" совринини АГМК вакили Акбар Усмонов қўлга киритди.

18:18. "Fair Play" номинациясида "Насаф" ғолиб бўлди. Улар жорий мавсум ҳаммадан кам огоҳлантирилди (35та сариқ карточка).

18:16. Осиё Чемпионлар лигаси финал баҳсини бошқарган Валентин Коваленко "Энг яхши ҳакам" совринини қабул қилиб олди.

18:13. "Энг чиройли гол" номинациясида "Металлург" ярим ҳимоячиси Музаффар Музаффаровнинг "Навбаҳор" дарвозасига урган голи ғолиб бўлди. 

18:07. Жасур Жалолиддиновга "Энг яхши ёш футболчи" совринини футболимиз фахрийси Тўлаган Исоқов топширди.

18:04. "Энг яхши ёшлар мураббийи" соврини Сакен Пулатов топширди. Совринни "Насаф" бош мураббийи Рўзиқул Бердиев қабул қилиб олди.

18:01. "Энг яхши ҳудуди ассоциация" совринини топшириш учун саҳанага Биродар Абдураимов таклиф қилинди. Ушбу номинацияда Андижон ғолиб бўлди.

17:57. Саҳнага таниқли шарҳловчи Мирзаҳаким Тўхтамирзаев чиқиб келди.

17:54. Мусиқий танаффус. Женисбек Пиязов ўз санъати билан меҳмонларни кўнглини шод қилди.

17:53. "Йилнинг энг яхши футбол журналисти" совринини Қаҳрамон Асланов қабул қилиб олди.

17:51. Жисмоний тарбий ва спорт вазирининг биринчи ўринбосари Ойбек Касимов саҳнага таклиф қилинди. У "Мухлислар ташрифи" совринини ўз эгасига топширди. Ушбу соврин "Навбаҳор" ишқибозига тақдим этилди.

17:48. Ўзбекистон терма жамоаси сардори Одил Аҳмедовга "Фидойилик рамзи" совринини қабул қилиб олди. Ушбу соврин ЎФА вице-президенти Равшан Эрматов томонидан топширилди.

17:45. Суперлига ҳомийси CocaCola компаниясига махсус соврин тақдим этилди.

17:42. "Ўзбек футболи нуронийси" соврини "Ўзбекистонда хизмат кўрсатган мураббий", "Шуҳрат" медали, ЎФФ кўкрак нишони соҳиби Наримон Жалоловга топширилди.

17:20. Тадбирни ЎФА медиа департаменти раҳбари Даврон Файзиев сўзлари билан бошланди. Шундан сўнг ЎФА бош котиби Аваз Мақсумов нутққа чиқди.

- Маросим бошланди.

Rating: +24   

Comments

championat.asia
< show latest news
Яндекс.Метрика