Coca Cola Суперлигаси. “Қўқон-1912” ўз уйида “Қизилқум”га ютқазди
18 oct 2019 17:07
News

Coca Cola Суперлигаси. “Қўқон-1912” ўз уйида “Қизилқум”га ютқазди

Coca Cola Суперлигасининг 22-туридан ўрин олган “Қўқон-1912” – “Қизилқум” учрашуви бўлиб ўтди.

Ушбу саҳифада ўйиннинг натижасини кузатиб бориш мумкин.

Учрашув бошланди. 5-дақиқада Шерали Жўраевнинг узоқ масофадан ерлатиб йўллаган зарбасини Музаффар Абдуллаев эгаллаб олди. 9-дақиқада мезбонлар ҳисобни очишлари мумкин эди, аммо Суҳроб Бердиевнинг кучли зарбаси йўлига ҳимоячи тўғаноқ бўлди. 11-дақиқада Салим Мустафоевнинг 5-6 метрлардан йўллаган зарбаси дарвоза устуни олдидан ўтиб кетди.

26-дақиқада Суҳроб Бердиевнинг узатган тўпини Ҳамидулло Абдуҳмидов оҳиста ҳаракат билан дарвозага йўллади - 1:0.

29-дақиқада Тотадзенинг зарбасини Музаффар Абдуллаев қийинчилик билан қайтариб қолди.

36-дақиқада жарима майдончасига оширилган тўпни Иқбол Маликжонов боши билан рақиб дарвозасига аниқ йўллай олмади.

45+2-дақиқада Муҳсин Убайдуллаев ҳаволатиб тўпни рақиб жарима майдончасига узатди. Воҳид Шодиев тўпни қабул қилиб олди ва ерлатиб дарвоза олдида турган шериги Салим Мустафоев томон йўналтирди. Салим эса яқин масофадан дарвозани ишғол этди - 1:1.

50-дақиқада Воҳид Шодиевнинг узоқ масофадан йўллаган зарбасини Музаффар Абдуллаев эгаллаб олди.

67-дақиқада Ватсадзенинг боши билан оширган тўпини Лустица боши билан дарвозага йўллади, Музаффар Абдуллаев тўпни қайтарди, қайтган тўпни яна Лустицанинг ўзи дарвозага жойлаб қўйди - 1:2.

90+3-дақиқада Ҳожимат Эркинов жуда қулай имкониятдан ноаниқ зарба берди.

Ўйинда "Қизилқум" 2:1 ҳисобида ғалаба қозонди.

Coca Cola Суперлигаси, 22-тур
“Қўқон-1912” – “Қизилқум” - 1:2
18 октябрь 2019 йил. Қўқон. "Марказий" стадиони. 3455 томошабин.
Ҳакамлар: Темур Тўхтасинов, Зиёдулла Абдураҳмонов, Анвар Маражабов, Акмал Раҳимов
Назоратчи: Игорь Нехочин
Комиссар: Ойбек Юнусов

Голлар: Ҳамидулло Абдуҳамидов 26, - 1:0 (Суҳроб Бердиев). Салим Мустафоев 45+2, - 1:1 (Воҳид Шодиев). Стивен Лустица 67, - 1:2.

“Қўқон-1912”: 33. Музаффар Абдуллаев, 7. Жамшид Ҳасанов, 10. Қувондиқ Рўзиев, 11. Тимур Ҳакимов (5. Ҳожимат Эркинов, 54), 15. Ойбек Рустамов, 17. Жаҳонгир Аҳмадов, 19. Суҳроб Бердиев (22. Шаҳбоз Эркинов, 62), 20. Иқбол Маликжонов, 23. Александр Мерзляков, 29. Ҳамидулло Абдуҳамидов (91. Отабек Ҳайдаров, 88), 65. Марко Милич.
Захира: 1. Ислом Абдуллаев, 4. Сабит Синдаров, 9. Зафар Тўраев, 14. Аваз Маматхўжаев, 27. Жасур Ёқубов, 72. Алишер Саматов.

“Қизилқум”: 1. Евгений Черемисин, 10. Алишер Саноев, 11. Жаҳонгир Ҳусанов (89. Достон Ибрагимов, 46), 13. Лаша Тотадзе, 15. Стивен Лустица, 17. Салим Мустафоев, 21. Муҳсин Убайдуллаев, 23. Шерали Жўраев, 25. Азизбек Усмонов, 86. Воҳид Шодиев (77. Руслан Маргиев, 59), 88. Мате Ватсадзе (14. Файзулла Қамбаров, 90).
Захира: 22. Артём Макосин, 8. Акмал Рустамов, 9. Хумоюн Абдуалимов, 19. Миржалол Қосимов, 78. Саиджамол Давлатжонов, 90. Сунатулло Абдуллажонов.

Огоҳлантиришлар: Жаҳонгир Аҳмадов 10, Стивен Лустица 13, Марко Милич 26, Иқбол Маликжонов 29, Мате Ватсадзе 34,

Kokand-1912

Khamidullo Abdukhamidov - 29'

Superliga. Round 22

18/10/2019, 15:15

Finished

Qizilqum

Salim Mustafaev - 45', Stiven Lustitsa - 68'

45'

90'