Филиппин термаси дарвозабони АПЛ туфайли Осиё Кубогида жамоасига ёрдам бера олмайди
21 dec 2018 18:31
News

Филиппин термаси дарвозабони АПЛ туфайли Осиё Кубогида жамоасига ёрдам бера олмайди

Филиппин термаси ва "Кардифф" жамоаси асосий посбони Нил Этериж Осиё Кубогининг фақат битта учрашувида иштирок этади.

Бу ҳақида Филиппин футбол Федерацияси президенти Мариано Аранета Football Connection на Radyo Pilipinas 2 дастурида айтиб ўтди.

"Биз Нилнинг "Кардифф"даги ўрнини жуда яхши биламиз. Шу сабабли у фақатгина биринчи учрашувда майдонга тушади ва ортга қайтади", - деди Мариано Аранета.

Осиё Кубоги-2019 дастлабки ўйинида 7 январь куни филиппинликлар КХДР термасига қарши майдонга тушишади.

Этериж мамлакат терма жамоаси сафида 62 учрашувда майдонга тушган. Унинг ўринбосарлари Майкл Фалкесгаард ва Патрик Дэжйто мос равишда 5 ва 16 тадан ўйин ўтказишган.

Нил Этериж ҳозирда АПЛ вакили "Кардифф" клуби шарафини ҳимоя қилмоқда. Таъкидлаб ўтамиз, дарвозабон АПЛ 2-тури рамзий термасидан ўрин олганди.

"Кардифф" 2019 йилнинг 1 январь куни "Тоттенхэм", 5 январь — Кубок баҳсида "Гиллингем", 12 январь — "Хаддерсфилд" ва 19 январь куни "Ньюкасль"га қарши ўйин ўтказади.