Осиё ўйинлари-2018. Ўзбекистон мусобақани йирик ғалаба билан бошлади

"B" гуруҳи доирасида Ўзбекистон терма жамоаси Бангладеш билан беллашди. Учрашувдаги вазиятлардан шу саҳифада хабардор бўлиб бордингиз.

Учрашувда Равшан Ҳайдаров бошчилигидаги жамоамиз 3:0 ҳисобида ғалаба қозонди.

Осиё ўйинлари-2018
Ўзбекистон U23 - Бангладеш U23 3:0
Бош ҳакам: Али Шабан
Қанот ҳакамлари: Ҳайдар Али Убайди, Аббос Ғулом
Голлар: З.Ўринбоев 23, Д.Ҳамдамов 57, И.Алибоев 66

Ўзбекистон U23: 1.Ботирали Эргашев, 2.Рустамжон Ашурматов, 4.Акрамжон Комилов, 5.Аббосжон Отахонов, 6.Жалолиддин Машарипов, 7.Одилжон Ҳамробеков, 9.Забихилло Ўринбоев (11.Бобир Абдихолиқов, 70), 10.Жавоҳир Сидиқов (18.Хуршид Ғиёсов, 79), 14.Икром Алибоев, 17.Достонбек Ҳамдамов (15.Азизбек Турғунбоев, 65), 20.Достонбек Турсунов.
Захира: 3.Хожиакбар Алижонов, 8.Жасурбек Яхшибоев, 12.Раҳимжон Давронов, 13.Исломжон Қобилов, 16.Дониёржон Нарзуллаев, 19.Андрей Сидоров.

Бангладеш U23: 1.Рана Ашрафул Ислам, 3.Миа Раҳмат, 4.Буян Жамал, 5.Бадша Тутул Ҳуссайн, 6.Барман Топу, 7.Раҳман Маҳбубур (11.Иқбал Жафар, 74), 8.Фаҳад Муҳаммат Атикур Раҳман, 9.Уддин Саад, 10.Зони Масум Миа, 12.Гхош Бишванат, 15.Бипло Бипло Аҳмед.
Захира: 2.Трипура Сушанто, 13.Раҳман Анисур, 14.Абдуллаҳ, 16.Миа Матин, 17.Ҳасан Муҳаммад Рабиул, 18.Раҳман Монжурур, 19.Рабби Фазали, 23.Притом Маҳфуз Ҳасан.

Огоҳлантириш: Б.Б.Аҳмед 59

ЯНГИЛАШ

МАТНЛИ ТРАНСЛЯЦИЯ

90+3 - Бангладешлик футболчи ўйинчиларимиздан қочиб кетиб бирга-бир чиқиб кетаётганда Одил Ҳамробеков унга етиб олди.

86 - Бобир Абдихолиқовнинг чап оёқда берган зарбаси ноаниқ кетди.

79 - Жавоҳир Сидиқов ўрнига Хуршид Ғиёсов туширилди.

72 - Акром Комиловнинг зарбаси ноаниқ кетди.

70 - Биринчи гол муаллифи Забиҳилло Ўринбоев ўрнига майдонга Бобир Абдихолиқов туширилди.

66 - Гоооооолллллл, Икром Алибоеввввв. Жалолиддин Машарипов қанотда ҳимоячини чалғитиб тўпни кўтарди, дарвозабон тўпни қайтарди, қайтган тўпни эса Икром Алибоев дарвозага киритди.

65 - Жамоамизнинг иккинчи голи муаллифи Достон Ҳамдамов ўрнига Азиз Турғунбоев майдонга туширилди.

61 - Аббос Отахоновнинг ўнг томондан берган зарбаси анча ноаниқ кетди.

57 - Гоооолллллл, Ҳамдамовввв. Жавоҳир Сидиқов чап қанотда рақибни уёқдан буёққа чайқаб гангитган ҳолда нариги қанотдан кириб келган Достонни қидириб топди. Ҳамдамов эса ўзи учун ноқулай ўнг оёғида гол урди. Баракалла Жавоҳир, яшавор Достон.

50 - Жавоҳир Сидиқов Уддин Саадни чиройли тарзда алдаб ўтган эди, Саад эса Жавоҳирни туртиб юборди. Майдонда кичик келишмовчилик.

Иккинчи бўлимга старт берилди.

Биринчи бўлим якунланди.

40 - Хавфли вазият! Бангладеш позицион ҳужум уюштирди, яхши ҳамки рақибларнинг сўнгги пасини Одил Ҳамробеков бартараф этди.

37 - Бангладеш ўйинчилари бироз кескинроқ ўйнашмоқда.

28 - Узоқ масофадан берилган кучли ва аниқ зарбани Ботирали Эргашев ушлаб олди.

Гол киритилган вазият.

23 - Гооооллллл, Икром Алибоевдан кичик ва чиройли юриш, Забиҳилло Ўринбоевдан эса бош билан гол.

17 - Зарбааа, Ҳамдамовнинг пасидан сўнг Забиҳилло тепган тўпни бу сафар ҳам рақиблар кипери қайтарди.

15 - Учрашувда йигитларимиз тўлиқ устунлик қилишмоқда.

13 - Рустам Ашурматовнинг узоқ масофадан берган кучли зарбасига бироз аниқлик етишмади.

8 - Жалолиддин Машариповнинг зарбасини ҳам дарвозабон қайтарди.

2 - Забиҳилло Ўринбоевнинг зарбасини дарвозабон Рана Ашрафул қайтариб қолди.

Учрашувга старт берилди.