2018 йил Тожикистон чемпионатининг энг яхши футболчиси деб топилган Эҳсони Панчшанбе "Навбаҳор"га ўтди
31 aug 2020 09:38
News

2018 йил Тожикистон чемпионатининг энг яхши футболчиси деб топилган Эҳсони Панчшанбе "Навбаҳор"га ўтди

Душанбенинг "Истиқлол" клуби ярим ҳимоячиси Эҳсони Панчшанбе "Навбаҳор" билан шартнома тузди.

"Навбаҳор" футболчини сотиб олиш борасида "Истиқлол"га расмий таклиф билан чиқди. Тожикистон чемпиони таклифни ўрганиб чиқиб, футболчини сотишга рози бўлди. Бу ҳақда "Истиқлол" клуби матбуот хизмати маълум қилди.

Эҳсони Панчшанбе "лочинлар" билан 2022 йил охиригача шартнома тузди. Футболчи янги клуби сафига 3 сентябрь куни бўлиб ўтадиган Ўзбекистон ва Тожикистон ўртасидаги ўртоқлик учрашувидан кейин қўшилади.

1999 йил туғилган футболчи 4 марта Тожикистон чемпиони бўлди, 3 марта Тожикистон кубоги соҳибига айланди, 2 марта Тожикистон Суперкубогини қўлга киритди. Ҳозирга қадар Тожикистон терма жамоаси сафида 19та ўйинда майдонга тушган. Эҳсони 19 ёшида, 2018 йил Тожикистон чемпионатининг энг яхши футболчиси деб топилганди.