20 ёшли ҳужумчи, 21 ёшли дарвозабон, 22 ёшли ҳимоячи ва 53 ёшли мураббий. Суперлигада 8-турнинг энг яхшилари

"Championat.asia" сайти талқинига кўра, 8-турнинг энг яхши дарвозабони - Владимир Назаров ("Пахтакор").

"Пахтакор" бу тур Жиззахда "Динамо" меҳмони бўлди ва 1:1 ҳисобида дуранг ўйнади. Учрашув давомида Самарқанд клуби катта ташаббусга эга бўлди ва кўплаб ҳужумлар уюштирди, Назаров 6 марта жамоасини голдан қутқарди. Шу тариқа Владимир Назаров турнинг энг яхши дарвозабони бўлди.

"Championat.asia" сайти талқинига кўра, 8-турнинг энг яхши мураббийи - Миржалол Қосимов (ОКМК).

Миржалол Қосимов бошичилигидаги ОКМК бу тур ўз майдонида "Сўғдиёна"ни 5:3 ҳисобида таслим қилди. Баҳс давомида меҳмонлар ҳисобда олдинга чиқиб олишди, аммо Қосимовнинг ўзгартиришларидан кейин олмалиқликлар камбэк қилишди ва иродали ғалабани нишонлашди. Шу тариқа, Қосимов 8-турнинг энг яхши мураббийи деб топилди.

"Championat.asia" сайти талқинига кўра, 8-турнинг энг чиройли голи муаллифи - Аҳмадилло Муқумжонов ("Олимпик").

"Олимпик" мазкур тур Қаршида "Қизилқум" меҳмони бўлди. Учрашувнинг 53-дақиқасида меҳмонлар ҳимоячиси Аҳмадилло Муқумжонов жарима тўпини ажойиб тарзда рақиб дарвозасига жойлаб қўйди. Айнан мана шу гол 8-турнинг энг чиройли голи деб топилди.

ГОЛНИ ТОМОША ҚИЛИШ

"Championat.asia" сайти талқинига кўра, 8-турнинг энг яхши футболчиси - Али Абдураҳмонов (ОКМК).

ОКМКнинг "Сўғдиёна" устидан қозонган ғалабасига захирадан майдонга тушган Али Абдураҳмонов катта ҳисса қўшди. 65-дақиқада ўйинга қўшилган Абудраҳмонов иккита гол урди ва жамоасини ғалаба сари етаклади. Шундай қилиб, Али Абдураҳмонов Суперлигада 8-турнинг энг яхши футболчиси деб топилди.