16 йилда илк бора “Барселона” бошланғич таркибида клуб тарбияланувчиси майдонга туширилмади

Каталонияликларнинг бошланғич таркибида 16 йилда илк марта клуб академияси тарбияланувчиси майдонга тушмади. Жерар Пике, Серхио Бускетс ва Андрес Иньеста ўйинни ўтказиб юборган бўлса, Лионель Месси ва Серхи Роберто 60-дақиқада майдонга тушди. “Барса”нинг бошланғич таркибида ярим ҳимоячи Денис Суарес майдонга тушди, бироқ у "Барселона Б"да ўйнаган, аммо ундан аввал “Сельтa” ва “Манчестер Сити” тизимида фаолият олиб борган.

Жамоа “Сельта”га қарши қуйидаги таркибда ҳаракат қилди:

“Барселона”: тер Штеген, Нелсон Семеду, Мина, Вермален, Динь, Андре Гомеш (Серджи Роберто, 60), Паулиньо, Дембеле (Алеиш Видаль, 78), Денис Суарес, Коутиньо (Месси, 60), Пако Алькасер.