16-турда энг кўп томошабин Бухорода, энг ками Муборакда

16-турнинг 8та учрашувини кузатиш учун стадионларга жами 47060 нафар томошабин ташриф буюрди. Бу ҳар бир ўйинга ўрта ҳисобда 5882 нафар томошабин келди деганидир. Турнинг энг кўп томошабини “Бухоро” – “Бунёдкор” учрашувига келди – 9701. Энг кам томошабин эса “Машъал” – “Навбаҳор” баҳсига ташриф буюрган. Ушбу ўйинни кўриш учун Муборакдаги “Баҳром Вафоев номидаги” стадионига 1572 нафар томошабин келди.

Маълумот учун, ҳозиргача бўлиб ўтган 128та ўйинни кўриш учун стадионларга 714643 нафар томошабин келган. Ўртача ҳар бир ўйинга 5583 томошабин тўғри келади.

Бу мавсумда энг кўп томошабин 10-турдан ўрин олган "Нефтчи" - "Насаф" ўйинига келди - 17143. Энг кам томошабин эса 3-турнинг қолдирилган ўйини бўлган "Бунёдкор" - "Шўртан" учрашувида кузатилди - 522.

Олий лига. 16-тур
«Бухоро» (Бухоро) – «Бунёдкор» (Тошкент) - 1:2. 9701 томошабин

«Андижон» (Андижон) – «Насаф» (Қарши) – 0:1. 9522 томошабин

«Сўғдиёна» (Жиззах) – «Қизилқум» (Навоий) - 4:1. 8153 томошабин

«Олмалиқ» (Олмалиқ) – «Пахтакор» (Тошкент) – 1:2. 6870 томошабин

«Шўртан» (Ғузор) – «Нефтчи» (Фарғона) - 4:1. 4924 томошабин

«Қўқон-1912» (Қўқон) – «Динамо» (Самарқанд) – 3:1. 4499 томошабин

«Локомотив» (Тошкент) – «Металлург» (Бекобод) – 1:1. 1819 томошабин

«Машъал» (Муборак) – «Навбаҳор» (Наманган) – 2:2. 1572 томошабин

Нарзулла Сайдуллаев