Олий лига-2015 якунлари. "Пахтакор" ҳақида
30 nov 2015 15:11
News

Олий лига-2015 якунлари. "Пахтакор" ҳақида

2015 йилги мавсумда иштирок этган барча клубларга тўхталиб ўтишни бошлаймиз.

Дастлаб 11-бор Ўзбекистон чемпионлигини қўлга киритган "Пахтакор" ҳақида сўз юритамиз.

Мавсум
"Пахтакор" клуби 2015 йилги мавсумни бир текисда ўтказа олди. Тўғри илк турда "Олмалиқ" билан ўйинда очко йўқотилди, кейинроқ "Локомотив"га имконият бой берилди. Лекин 10-турда пешқадамга айланиб олган "шерлар" мавсум охирига қадар бу ўриндан пастга тушишмади. "Пахтакор" мавсум давомида фақат уч бор ютқазди. Дастлабки даврада "Локомотив"га, иккинчи даврада "Нефтчи" ва "Бунёдкор"га имконият бой берилди.

Мураббийлар
Жамоани бу йил иккита мураббий бошқарди. Биринчи даврада Самвел Бабаян жамоа менежери сифатида фаолият олиб борди. Ёзда Ўзбекистон миллий терма жамоасини қабул қилиб олгач "Пахтакор"га Нўъмон Ҳасанов бош мураббий этиб тайинланди. Чемпионлик айнан Ҳасанов қўл остида қўлга киритилди.

Етакчи
Кахи Махарадзе. Грузиялик ярим ҳимоячи бежизга жамоа сардори эмас. Кахи майдон марказида "Пахтакор"нинг ҳужумларини ташкил қилишда ҳақиқий етакчи ҳисобланади. Футболчи жароҳатлар туфайли мавсумда бир нечта ўйинларни ўтказиб юборишга мажбур бўлди. Лекин у ўйнаганида "шерлар" бошқача, майдонга тушмаганида бутунлай бошқача ўйнашди.

Кашфиёт
Жавоҳир Соҳибов. 1995 йилда туғилган ярим ҳимоячи ўтган мавсум умуман майдонга тушмаганди. Бу йил Соҳибов "шерлар"нинг асосий футболчисига айланиб олди. 23та ўйинда иштирок этиб 2та гол урган Жавоҳир Ўзбекистон миллий терма жамоасига ҳам чақирув олди ва бир нечта ўйин ўтказди.

Энг яхши ўйин
"Пахтакор" - "Локомотив" 2:1.
Олий лиганинг 21-турида "шерлар" "Локомотив"ни қабул қилишди. Кўпчилик айнан шу баҳсни чемпионлик ўйини деб атади. Учрашувнинг биринчи бўлимида Маъмур Икромовнинг хатосидан сўнг Шерзод Каримов деярли майдон марказида гол уриб ҳисобни очди. Баҳс тугашига 8 дақиқа қолганида захирадан майдонга тушган Жалолиддин машарипов иккинчи бор "темирйўлчилар" дарвозасини ишғол қилди. 90-дақиқада Лутфулла Тўраев томонидан урилган гол ҳисобни қисқартирди холос - 2:1.

Энг яхши футболчи
Игорь Сергеев. 22 ёшли ҳужумчи учун 2015 йил жуда ҳам омадли келди. Олий лигада барча 30та учрашувда иштирок этиб рақиблар дарвозасига 23та гол урди ва чемпионат тўпурарига айланди.

Ким қанча ўйнади?

Футболчи	Амп	Туғ.сана	Ўйин	Дақиқа	Гол	СК	ҚК
Александр Лобанов	Дар	04.01.1986	30	2653	0	0	0
Игор Сергеев	Ҳуж	30.04.1993	30	2598	23	3	0
Владимир Козак	Яҳм	06.06.1993	30	2200	3	1	0
Станислав Андреев	Яҳм	06.05.1988	29	2155	8	1	0
Даврон Ҳошимов	Ҳим	24.11.1992	28	2506	0	6	1
Егор Кримец	Ҳим	27.01.1992	28	2497	3	8	0
Шерзод Каримов	Яҳм	26.01.1989	28	1902	4	4	0
Аднан Ораховац	Ҳим	05.02.1991	27	2304	3	6	0
Александр Мерзляков	Ҳим	30.10.1986	26	2062	1	1	0
Акбар Исматуллаев	Ҳим	10.01.1991	24	1648	0	2	0
Жавохир Соҳибов	Ҳим	01.03.1995	23	1849	2	8	0
Кахи Махарадзе	Яҳм	20.10.1987	23	1819	6	2	1
Баҳодир Пардаев	Ҳуж	26.04.1987	23	887	4	0	0
Жалолиддин Машарипов	Яҳм	01.09.1993	22	1184	4	2	0
Анвар Солиев	Ҳуж	05.02.1978	14	175	2	1	0
Жамшид Искандаров	Яҳм	16.10.1993	11	571	0	1	0
Камолиддин Тожиев	Ҳим	03.05.1983	9	548	2	0	0
Мурод Холмуҳаммедов	Ҳим	23.12.1990	5	39	0	0	0
Наврўз Алимов	Ҳуж	21.03.1992	2	15	0	1	1
Никита Рибкин	Дар	20.01.1992	1	47	0	0	0

"Пахтакор-2015" мавсум статистикаси

Ўйинлар	30
Голлар	66
Уйдаги голлар	43 (65,15%)
Меҳмондаги голлар	23 (34,85%)
Ўтказилган голлар	23
Уйда ўтказилган голлар	10 (43,48%)
Меҳмонда ўтказилган голлар	13 (56,52%)
Ўртача гол	2,2
Ўртача ўтказилган гол	0,77
Уйдаги очколар	43/45 (95,56 %)
Меҳмондаги очколар	32/45 (71,11 %)
Энг йирик ғалаба	6:0 - "Динамо", "Андижон"
Энг йирик мағлубият	0:2 - "Бунёдкор"
"Қуруқ" ўйинлар	13 (43,33%)
Гол ура олмаган ўйинлар	1 (3,33%)
Иродаги ғалаба	2
Йирик ғалабалар	5
Йирик мағлубиятлар	0
Автогол (урилган/ўтказилган)	1/0
Огоҳлантиришлар (ўртача)	47 (1,57)
Четлатишлар (ўртача)	3 (0,1)
Майдонга тушганлар (легионер)	20 (2 - 10%)
Томошабинлар (жами/ўртача)	134928 / 4498