100 миллион евро эвазига “Боруссия” Д Дембеленинг трансфери борасида музокарани бошлаши мумкин

Маълум бўлишича, “Барселона” 20 ёшли футболчи учун 80 миллион евро таклиф этишга тайёр. Аммо “Боруссия” раҳбарларининг ишонишича, Дембеле 100 миллион евро  ва ёки ундан купроқ маблағ эвазига сотилган Бундеслига тарихидаги илк футболчига айланиши мумкин. Германияликлар айнан шу ҳолатдагина футболчининг “Барселона”га ўтиши масаласини муҳокама қилишлари мумкин.

L’Equipe ва Mundo Deportivo нашрларнининг хабарларига кўра, “Барселона” спорт директори Роберто Фернандес кейинги ҳафтада музокаралар ўтказиш учун Германияга йўл олади.

Эслатиб ўтамиз, бир йил илгари “Боруссия” Дембелени “Ренн” клубидан 15 миллион еврога сотиб олганди. Ўзи учун дебют мавсумда француз футболчиси Германия чемпионатининг 32 та учрашувида майдонга тушиб, 6 та гол урган ва 12 та голга ҳаммуаллифлик қилган. 2016/17 йилги мавсум якунига кўра Дембела Бундеслигада энг яхши ёш ўйинчи деб топилган.