1 июнь – Халқаро болалар кунига бағишланган «Inter cup–2018» мусобақаси ўтказилди

Бугун 31 май куни Ўзбекистон футбол ассоциацияси ҳамда «Inter sport project» спорт компанияси томонидан Ўзбекистон футбол ассоциациясининг сунъий қопламали майдонларида «1 июнь – Халқаро болалар куни»га бағишланган 2011-2012 йилда туғилган болалар ўртасида «Inter cup–2018» мусобақаси ташкил қилинди.
Мусобақада "Inter sport", "Пахтакор", "Odil Junior", "Спартак", "JFL" каби болалар жамоалари иштирок этиб, майдонда ўзларининг маҳоратларини намойиш этдилар.

Тадбир якунида Ўзбекистон Профессионал футбол лигаси бош директори Омон Ғофуров, Ўзбекистон миллий терма жамоаси сардори Одил Аҳмедов ҳамда "Inter Sport" лойиҳаси раҳбари Эркин Саидов мусобақада иштирок этган барча болажонларга ҳомийлар томонидан ажратилган эсдалик совғаларини тақдим қилдилар.

Тақдирлаш маросимидан сўнг «Анор» болалар ашула ва рақс ансамбли аъзолари ўзларининг чиқишлари билан ёш футболчилар ҳамда томошабинларнинг кайфиятларини хушнуд этишди.

Қайд этиш зарурки, бундай тадбирлар ёш футболчиларга катта футболга ўзларининг илк қадамларини қўйишларига ҳамда бўлажак мусобақаларга тайёрланишларига катта ёрдам беради.

Мусобақада қуйидаги натижалар қайд этилди:

"Inter Sport" - "Пахтакор" 0:2
"Odil Junior" - "JFL-Tashkent" 6:0

"Spartak" - "Odil Junior" 1:1
"Пахтакор" - "JFL-Tashkent" 9:1

"Inter Sport" - "Odil Junior" 0:2
"Spartak" - "JFL-Tashkent" 4:4

"Пахтакор" - "Spartak" 5:1
"Inter Sport" - "JFL-Tashkent" 1:4