“Зомин”нинг ғалабали серияси 3та ўйинга етди

Ҳар йил мусобақалар бошланганида жамоа ўз олдига юқори марраларни кўзлаб, ҳаракат қилган. Ўтган йилларни сарҳисоб қиладиган бўлсак, жамоа фақатгина 2015 йилги мусобақанинг иккита босқич натижасига кўра 5-ўринга чиқа олди.

Бу йил ҳам жамоа ўз олдига юқори марраларни кўзлаб, ҳаракат қила бошлаган эди. Лекин жамоада биринчи давра сўнгида пасайиш юзага келган эди, бунинг асосий сабабларидан бири маблағ билан боғлиқ. Шундай бўлсада иккинчи давра бошланишидан олдин таркибга тажрибали Олий лига ҳавосидан баҳра олган ўйинчилар ва ёш футболчилар таклиф этилди. Иккинчи давра бошларидаги кетма-кет мағлубиятлар жамоа мухлисларини “Биринчи лигадан тушиб кетадими?” деб, анча ўйлантириб қўйди. Лекин охирги учта турдаги ғалаба (“НБУ-Осиё” - “Зомин” (0-2), “Зомин” - “Хоразм” (3-0), “Зомин”-“Орол” (4-3) жамоа мухлислари қалбида яна умид учқинларини уйғотди. Жамоа 32-турга келиб, мусобақа жадвалида 10-ўринда бормоқда. Лекин яна олтита тур учрашувлари борлигини ҳисобга оладиган бўлсак, мусобақа сўнгига қадар зоминликлар турнир жадвалида ўтган йилги натижасини яна бир бор такрорлаши мумкин.

“Зомин” жамоасининг кейинги тур учрашувлари билан танишинг:
33 тур. 23 октябрь (якшанба)
“Норин” – “Зомин”
34 тур. 26 октябрь (чоршанба)
“Уз-Донг-Жу” – “Зомин”
35 тур. 2 ноябрь (чоршанба)
“Зомин” – “Цементчи”
36 тур. 5 ноябрь (шанба)
“Зомин” – “Ёзёвон-Лочинлари”

Яна 2 та қолдирилган ўйин 23 ва 24-турлар:
“Хотира-79” – “Зомин”
“Косонсой” – “Зомин”

Акмал Рахматуллаев
“Зомин” ПФК матбуот котиби