Latest news

16:26Жейми Вардининг навбатдаги жамоаси маълум!  1 15:52Пол Паркер: "Де Хеа қайтмаса керак"  1 15:30Эрик тен Хаг истеъфога чиқиш арафасида  6 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  15 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4 13:35Аканжи "Манчестер Сити"ни Лондон клубига алмаштириши мумкин  0 13:14Гарначо "Челси"га ўтиш ҳақида: "Жаҳон чемпионлари сафига қўшилганимдан бахтиёрман. Биз - дунёнинг энг яхши жамоасимиз!"  6 12:50"Барселона" Ла Лигада Шенснини рўйхатдан ўтказди  1 12:22"Фенербахче" Эдерсоннинг трансфери устида ишламоқда. "Ман Сити" дарвозабонни "Галатасарой"га 10 млн еврога сотмади  1 11:58Меҳди Таремининг янги клуби маълум  2 11:31Аканжи "Милан"нинг шартларини қабул қилмаяпти, "Сити" ҳимоячиси EЧЛда ўйнашни истамоқда  0 10:31Германияга етиб борган Жексоннинг "Бавария"га ўтиши бекор бўлди. Нега?  5

“Зомин” ижрочи директори: “Техник мағлубият ноҳақ берилди” News

“Зомин” ижрочи директори: “Техник мағлубият ноҳақ берилди”

Сайтимиз орқали аввал хабар берганимиздек, биринчи лига иштирокчиси “Зомин”га кетма кет икки бор техник мағлубият ёзилди.
Аввалига сариқ карточкалари сони 4та етган бўлишига қарамай майдонга тушган Дониёр Исмоилов “Истиқлол” билан баҳсни ўтказиб юбормагани учун 4:1 ҳисоби бекор қилиниб зоминликларга техник мағлубият ёзилди. Кейин эса бу жамоа сафарда “Хотира-79”га қарши ўйинга бормади. Натижада учрашув назоратчиси зоминликларга техник мағлубият ёзишга қарор қилди. Бунинг сабабларини билиш мақсадида клуб ижрочи директори Абдумажид Хориновга мурожаат қилдик.

- Абдумажид ака, “Зомин” чоршанба куни сафар ўйинига бормади. Бунинг оқибатида жамоага кетма-кет икки бор техник мағлубият ёзилди. Буни қандай изоҳлайсиз?
-  Албатта, бунга биринчи навбатда молиявий муаммолар сабаб бўлганини айтишим мумкин. Бошқа ҳеч қандай тўсиқ йўқ эди.

- Энди эртага тақвимга кўра “УзДонгЖу” билан ўйнайсизлар. Андижондаги баҳсга бориш учун ҳаракат қилиняптими?
- Ҳа, бугун кечки пайт йўлга чиқишимиз керак. Туманимиз ҳокимига илтимос қиляпмиз. Битта сафар ўйинига бора олмаганимиз ҳақида ҳам айтдик. Насиб қилса бу галги сафар учрашувига бориш учун имкон бўлади.

- 12-турда “Зомин” ўз майдонида “Истиқлол”ни қабул қилиб, 4:1 ҳисобида зафар қучганди. Аммо якунда сариқ карточкалари сони 4та етган Дониёр Исмоиловнинг майдонга тушгани боис жамоангизга техник мағлубият ёзилди. Буни билмаганмидинглар?
- Ишонасизми буни газетада ўқиб ҳайрон қолдим. Бу борада ПФЛдан клубимиз оффисига ҳеч қандай телеграмма келмади. Вилоят футбол федерациясига маълумот берилган экан, улар ҳам кейин айтди. Нима бўлганда ҳам бу менимча нотўғри қилинди. Чунки биз ҳар бир футболчининг олган карточкаларини жадвалини тузиб, тўлдириб борамиз. Дониёр Исмоилов 10-турда “Обод”га қарши баҳсни ўтказиб юборганди. Яқин кунларда Тошкентга бориб, шуни муҳокама қилиб келамиз.

- Бош мураббий Спартак Муртазоевнинг жамоада эмаслиги нима билан боғлиқ?
- Тўғри, Спартак Суюнович айни дамда биз билан бирга эмас. Лекин бу клубдан кетди ҳам дегани эмас. Муртазоевнинг оиласи билан қандайдир муаммо юзага келгани сабабли биздан руҳсат сўради. У билан уч йиллик шартнома тузганмиз. Яна бир йил жамоамиз учун ишлаб бериши керак. Мураббий сифатида илиқ таассурот қолдирмоқда. Қисқа фурсат ичида курашчан жамоа туза олди. Бу томондан унинг тажрибасига шубҳа йўқ. Молиявий муаммоларимизни ҳал эта олсак, Спартак яна жамоага қайтади деган умиддаман.


Исломбек Рустамбеков суҳбатлашди.  
Rating:    

Comments

championat.asia
< show latest news
Яндекс.Метрика