Latest news

00:00ЕЧЛ. "Интер" – "Барселона" (матнли трансляция)  60 23:43"Реал" Трентни деярли текинга олди. Бу Перес стратегиясининг навбатдаги ғалабаси (мутолаа учун)  0 23:14Айбек Нурбаев: "Бугунги мағлубиятга мен жавобгарман. Ўзгартиришларда хатога йўл қўйдим"  0 22:18"Барселона" Ямал билан янги шартнома имзолайди. Томонлар келишувга эришишга яқин  1 21:46Виртц "Реал" ёки "Манчестер Сити"га ўтишни истамаяпти. У бошқа клубга бормоқчи  6 21:21"Олтин тўп" учун битта ҳақиқий номзод бор" – "Бетис" Винисиус ва Антонининг статистикасини солиштирди  2 20:57Кевин Де Брюйне "Сити"да қолиши мумкин, футболчи янги шартнома имзолашга тайёр  3 20:35Криштиану Роналду ўғлининг Португалия терма жамоасига чақирилганига муносабат билдирди  4 20:10​"Астон Вилла" Мартинес кетса, "Реал" дарвозабонини олиб келмоқчи  1 19:47МЮ сербиялик дарвозабонга қизиқиб қолди  0 19:26Про лига. "Олимпик-MobiUz" Нукусда кичик ғалабага эришди  0 19:05"Реал" скаутлари "Арсенал" – "Борнмут" ўйинида бўлди  3 18:388 ўйинда 8 хато. Суперлиганинг 8-туридаги ҳакамлик фаолияти таҳлили  20 18:14МЮ Рэшфордни сотишга тайёр. Клуб ўз тарбияланувчисини қанчага баҳоламоқда?  5 17:47Ўзга олам вакиллари  8

"Зомин" икки пенальтини ура олмаган ўйинда "Нурафшон"га қай тариқа мағлуб бўлди? (Тўлиқ шарҳ) News

"Зомин" икки пенальтини ура олмаган ўйинда "Нурафшон"га қай тариқа мағлуб бўлди? (Тўлиқ шарҳ)

Кеча Ўзбекистон Про-лигасининг 15-тури учрашувлари бўлиб ўтди.

Ушбу тур доирасида Ўзбекистон Про-лигасининг "Б" гуруҳи етакчиси "Нурафшон" "Зомин" майдонига сафар уюштирди.

Учрашув олдидан "Нурафшон"да бир неча йўқотишлар бор эди. Жамоанинг чап қанот ҳимоячиси Абдуғани Камолов жароҳати, марказий ҳимоячи Абдурасул Комилов эса бошқа жамоага ўтиши сабабли қайдномага киритилмади. Клуб етакчиси Элбек Равшанов ҳам иккинчи даврани бошқа жамоада ўтказса-да, "Зомин"га қарши ўйинда ҳаракат қилди.

Ўйин ўртача темпда бошланди. Икки томон ҳам майдонга кўника олмади. Стадионнинг ҳолати унчалик яхши бўлмагани учун жамоаларнинг ўйини қовушмади, хавфли вазиятлар ҳам камроқ бўлди. Тотал устунлик аввалига мезбонлар тарафига ўтди. Бироқ кейинчалик "Нурафшон" ўз устунлигини кўрсата бошлади. Илк бўлимда "Нурафшон" етакчиси Мурод Ражабовда икки марта ҳисобни очиш учун қулай вазиятлар юзага келди. Илк зарбани дарвозабон қайтарган бўлса, иккинчи зарбага куч етишмади.

Иккинчи бўлимда эса воқеалар кўпроқ бўлди. 58-дақиқада Муҳаммадодил Қаҳрамоновнинг қўполлиги эвазига пенальти белгиланди. "Зомин" етакчиси Шоҳжаҳон Аббосовнинг зарбаси устунга тегиб қайтди. 73-дақиқада эса энди Фарруҳ Шотурсуновнинг қўпол хатти-ҳаракати "Нурафшон" дарвозасига белгиланган иккинчи пенальтига сабабчи бўлди. Бундан жамоа сардори Азамат Абдуллаев унумли фойдалана олмади. Дарвозабон Равшанбек Ягудин бу сафар ўзини кўрсатди ва 11 метрлик зарба гол бўлишига йўл қўймади.

83-дақиқада зоминликлар урилмаган икки пенальтининг жазосини олишди. Бу паллада марказдан оширилган тўпни Муроджон Тўйчибоев қабул қилиб олди ва зарба беришга чоғланиб турган бир вақтда Орипхўжа Абдуҳолиқов ўзидан-да қулайроқ вазиятда турганини кўрди. Унинг тўп оширишидан кейин Орипхўжа дарвозани ишғол этди ва стадионга ташриф буюрган 3 мингга яқин мухлисни хафа қилди. Бу гол унинг учун чемпионатдаги ўнинчиси бўлди.

Голдан кейин "Зомин" рақиб дарвозаси олдида босим уюштирди. Бироқ уларга гол уриш насиб қилмади. Турда лиганинг 2-поғонасини эгаллаб турган "Шердор" сафарда "Ғиждувон"га мағлуб бўлди. Шу сабабли "Нурафшон" ва "Шердор" орасидаги фарқ 4 очкога кўпайди. "Зомин" эса 20 очко билан лиганинг 5-ўрнини эгаллаб турибди.


15-тур / 17 июнь (якшанба)
“В” гуруҳи
“ЗОМИН” – “НУРАФШОН” 0:1
Зомин шаҳри. “Марказий” стадион. 2801 томошабин.
Ҳакамлар: 
Шавкат Насибуллаев, Дониёр Сайлавов, Ришот Ниғмонов.
Назоратчи: Тимур Абдуллаев.
Комиссар: Мамур Саидқосимов.
Гол: Орифхўжа Абдухолиқов, 84 (0:1).
Амалга оширилмаган пенальти: Шохжаҳон Аббосов, 58 (“Зомин”). Азамат Абдуллаев, 73 (“Зомин”).
"Зомин": Жавоҳир Комилов, Азамат Абдуллаев, Элдор Каримов, Шерзод Жалилов, Турсунмурод Ҳамдамов, Ғайрат Умиров (Дурбек Камолов, 65), Беҳруз Дўстмуродов, Хазратжон Турсунқулов (Элбек Жуманов, 70), Достонбек Тошматов, Шохжаҳон Аббосов (Лутфулло Файзуллаев, 79), Шахзод Абдураимов.
"Нурафшон": Равшанбек Ягудин, Нуржас Қамбаров, Муҳаммадодил Қаҳрамонов, Мурод Ражабов, Руслан Веклич, Дилшод Файзиев, Руслан Вагапов, Орифжон Ҳакимжонов, Муроджон Тўйчибоев, Орифжўха Абдуҳолиқов, Фарруҳ Шотурсунов (Элбек Равшанов, 88).
Огоҳлантиришлар: Достонбек Тошматов (88) - Нуржас Қамбаров (76).

Rating: +2   

Comments

championat.asia
< show latest news
Яндекс.Метрика