Зоир Тўрақулов: "Кучимизга бўлган катта ишонч бугун панд берди"

Бугун ғалаба учун анча тер тўкдик. Иккинчи бўлимда биринчи бўлимдагига қараганда кучлироқ ўйнадик. Афсуски вазиятлардан унумли фойдалана олмадик. Оқибатда гувоҳ бўлдингиз, дуранг қайд этдик.

– Бугун яққол ғалабани  қўлдан чиқардиларингиз. Ҳисобни сақлаб қолиш имкони йўқмиди?

– Тўғри, бу аламли бўлди. Бугун ўйинчиларимизни ўзига бўлган ишончи ҳам панд берди, рақиб кучига тўғри баҳо бера олмадик. Кейин жамоамиз кучли жамоаларга қарши яхши ўйин кўрсатишади, ана шундай ўйинларда рақиб кучини ва салоҳиятини яхши тушунишади. Аммо уларга нисбатан кучсизроқ жамоаларга қарши майдонга тушганда ўйинларимиз қовушмай қолаяпти. Бу ҳолатга эътиборимизни кўпроқ қаратишимиз керакка ўхшайди.

– Масалан эртага раҳбарият сизни жамоага бош мураббий этиб тайинласа, бунга тайёрмисиз?

– Мен тайёр бўлишим мумкин, аммо ҳар бир мураббий  ўзи хоҳлаган жамоани тузиш учун ва бу жамоанинг ўйинини пайдо қилиши учун вақт талаб қилинади.