Зоҳир Пиримов: "Ҳарактер кўрсата олдик"

"Бухоро" жамоаси бугун маълум сабабларга кўра "Андижон"ни Муборакдаги "Баҳром Вафоев" стадионида қабул қилди. Қизиқарли кечган учрашувда сўнги дақиқаларда урилган гол бухороликларга бир очко олиб келди. Беллашувдан сўнг эса заҳирадан майдонга тушган футболчи Зоҳир Пиримов фикрлари билан ўртоқлашди.

"Қўлимиздан келганча қисқа фурсат мобайнида "Андижон" билан ўйинга ҳозирлик кўрдик. Жамоадошларим илк дақиқалардан ёмон ҳаракат қилишмади. Мураббийимиз айтганидек кераксиз пенальти барчасини ўзгартириб юборди. Натижада ҳужумга ўтдик ва ўйинимизни ўзгартирдик. Лекин, яна пенальтидан гол ўтказиб юбордик. Ҳеч бўлмаса бир очко ишладик. Мағлубиятга учрамадик. 

Жисмоний томондан рости қийналдик. Чунки, ҳали етарли даражада тикланишга улгурмаганмиз. Кейинги турга қадар тезроқ формага кириб олишга ҳаракат қиламиз. Охиргача курашдик. Футбол ҳакам ҳуштаги чалингунигача ўйналади. Умумий қилиб айтганда ҳарактер кўрсата олдик. Бу бизнинг кайфиятимизга ижобий таъсир қилади деган умиддаман",- дейди Зоҳир Пиримов.