Зинедин Зидандан қойилмақом натижа

Шу тариқа 2016 йилнинг 4 январидан бошлаб мадридликлар бош мураббийи сифатида иш бошлаган Зинедин Зидан ЕЧЛда 9 та плей-офф ўйинининг бирортасида мағлуб бўлмади. 45 ёшли француз 2 йил ичида (2016, 2017) 2 марта ЕЧЛ ғолиблигини қўлга киритди ва учинчиси учун катта қадам ташлади. Зидан – "Реал" тарихида жамоани Чемпионлар Лигаси/Кубоги мусобақаси финалига 3 марта олиб чиққан биринчи мутахассис бўлди. Жамоа қаторасига беш марта ЕЧК ғолиблигини қўлга киритган йилларда (1956, 1957, 1958, 1959, 1960) жамоани учта турли мураббий бошқарган эди.