Зинедин Зидан: "Роналду ва Бенземани кўмаги бизга зарур"

"Роналду ва Бензема ўйинда иштирок этишини жуда хоҳлаймиз. Ўйлашимча, улар майдонга туша олишади. Лекин ҳозирча якуний қарор аниқ эмас. Улар учрашувга қадар сафда бўлишади деб ўйлайман. Бизнинг вазифамиз майдонга тушиб, гол уриш ва ғалаба қозониш. Бу тўқнашувда ҳар иккала жамоаларнинг имкониятлари тенг. "Сити" бизга муаммолар туғдиришини биламиз ва биз бунга тайёрмиз. Уларга майдонда бўш ҳудуд қолдирмаслигимиз лозим. Де Брюйнега қарши персонал ёндошув? Биз уни зарарсизлантиришга ҳаракат қиламиз. Кевин юқори даражадаги футболчи саналади ва у ҳозирда ўзининг яхши спорт формасида. Де Брюйне Агуэро билан тандемда жуда яхши ҳаракатланади. Эртага нималар руй беришини эса учрашувда кўрамиз. Қўлимиздан келганича "Сити"га қарши яхши ўйинимизни намойиш этамиз", - деди Зинедин Зидан.