Зиданнинг асосий 4 қоидаси

"Қироллик клуби"нинг янги устози ҳам "қаймоқранглилар" билан ишлашда бу қоидалардан фойдаланса керак.

     1. Жамоа - бу оила. Зидан "Реал" кийиниш хонасига хотиржамлик ва футболчиларга ишонч олиб келди. Аҳиллик ҳақида ҳамма билса керак. Зидандан аввалроқ "Қироллик клуби"да ишлаган Жозе Моуриньо даврида ҳамжиҳатлик йўқ эди.

     2. Ротациялар. Зиданнинг ротациялари кўп мақсадларга қаратилган эди. Биринчидан, янги жуфтликлар яратилди, ёшлар керакли ўйин амалиётига эга бўлди. Иккинчидан, ўзгаришлар туфайли футболчилар ҳар бир ўйинда майдонга тушишга тайёр эди. Учинчидан, бу биринчи қоидага боғлиқ. Футболчилар майдонга тушиб ўйин амалиётига эга бўлади ва жамоа ичидаги атмосфери кескинлашмайди, чунки ҳамма ўзини "Реал"нинг бир қисми сифатида ҳис қилади.

     3. Футболчиларнинг ривожланиши ва ўсиши. "Реал"га 1 млн. евро эвазига келган Лукас Васкес Зидан даврида энг кўп майдонга тушадиган ва "қутқарувчи" вазифасини бажарадиган (айниқса 16/17 мавсумда) футболчига айланди. Касемиро замонавий футболнинг энг яхши таянч ярим ҳимоячиларидан бири бўлди, Асенсио ўзининг потенциалини кўрсата бошлади. Навас ва Карвахалда ҳам ўсиш кузатилди.

     4. Роналдунинг таътили. Португалиялик Испания Кубогида деярли ўйнамади ва барча учрашувларда майдонга тушган ягона турнир Чемпионлар лигаси бўлди. Бу тактика Роналдуга мавсумнинг ҳал қилувчи палласида яхши формада бўлиш имконини берди. Форварднинг ёши ва жойдаги ўзгариш Криштианунинг голлик статистикасига ижобий таъсир кўрсатди ва бу Зиданнинг хизмати.

"Реал" аҳиллигига салбий таъсир кўрсатган биргина футболчи бўлди. Гарет Бэйл. Зидан кетганидан сўнг уэльслик хатто у билан хайрлашишни ҳам истамади.

Ҳар қандай ҳолатда ҳам Бэйл "Реал"нинг янги бош мураббийи учун муаммо бўлмайди.