Latest news

17:21Моуринью "Ман Сити"нинг қоидабузарликлари ҳақида: "Қонун бўйича 2017/18 мавсумда МЮ чемпион бўлиши керак эди"  1 16:59"Челси" 19 ёшли ҳимоячи - Хатони сотиб олмоқчи  2 16:11Уэсли Снейдер: "Салоҳни тарихдаги энг буюк футболчилардан бири деб ҳисоблаш мумкин"  2 15:49Жозе Моуринью: "Илгари кўпроқ пул топгани энг яхши мураббий деб ҳисобланарди, энди эса – энг яхши образга эга бўлгани. Бугун энг муҳими – юқори даражали пиарга эга бўлиш"  5 15:31Иванович ва Швайнштайгер тўққиз йиллик турмушдан сўнг ажрашишди  1 15:13Артета АПЛдаги рақобат ҳақида: "Лигада биздан бошқа яна 6-8 та клуб соврин учун бемалол кураша олади"  0 14:54Ўзбекистон U-23 - Саудия Арабистони U-23. Энг яхши уч футболчи ким бўлди?  2 14:26Исак унга бўлган қизиқишлар фонида "Ньюкасл"даги йиллик маошини сезиларли даражада ошириб олмоқчи, аммо...  2 14:00Снейдер Моуринью ҳақида: "2010 йилда Жозе бизни ҳар кимни мағлуб этишимиз мумкинлигига ишонтирган"  2 13:24ФОТОГАЛЕРЕЯ. Ўзбекистон U-23 – Саудия Арабистони U-23 3:1  0 13:23"Like Cup" якунланди: "Ал Бадр" - чемпион!   5 13:08Ўтган мавсум 1 та гол урган АПЛ футболчиси Шомуродов ўрнига "Рома" ҳужумчисига айланди  10 12:46Снейдер "Олтин тўп" ҳар доим ҳам муносибларга насиб этмайди деб ҳисоблайди  36 12:19"Бенфика" ўзи учун рекорд сумма - 27 млн. еврога футболчи сотиб олди  3 12:00"Тоттенхэм" "Реал" вингерини сотиб олмоқчи  1

Зиданнинг 3-5-2 тактикасидаги ижобий ва салбий жиҳатлар News

Зиданнинг 3-5-2 тактикасидаги ижобий ва салбий жиҳатлар

Зинедин Зидан сўнгги 2та ўртоқлик учрашувида 3-5-2 схемасидан фойдаланди.

Бунга сабаб, у нафақат янги ўйинчилар, балки схема борасида ҳам тажриба ўтказиб кўрди. Жамоа “Ред Булл”га қарши ғалабага эришилган баҳсда ва “Рома” билан ўйиннинг 45 дақиқасида ана шу тактика бўйича ҳаракатланди. Бу Зиданнинг одатий схемасидан яхшироқ самара берадими ёки йўқ — ҳали аниқ эмас. Шу сабаб вазиятдан фойдаланган ҳолда, янги тактиканинг ижобий ҳамда салбий жиҳатлари ҳақида сўз юритмоқчимиз. Аввал салбий томонларидан бошлаймиз.

Марказий ҳимоячилар етишмовчилиги

Янги схеманинг асосий муаммоси — тактика 3та марказий ҳимоячи асосида қурилган. Жамоада атиги 4та ҳимоячи бор: Серхио Рамос, Рафаэль Варан, Начо ва Эдер Милитао. Агар 2таси жароҳат олиб, дисквалификация бўлса ёки шунчаки ротация туфайли сафдан чиқса, бу тактикадан фойдаланишнинг иложи бўлмайди. Шу билан бирга, трансфер ойнаси ёпилишга жуда оз вақт қолди. Бу пайт ичида клуб янги иқтидорли ҳимоячи топиб, уни сотиб олиши бироз қийин бўлса керак.

Неймар ва Азар бирга ўйнай олмайди

Агар клуб Неймар билан шартнома имзолайдиган бўлса, икки юлдуз бу тактикага мос тушмайди: бразилиялик вингерларсиз тактикада Азарни марказий ҳужумга ўтишга мажбур қилиши мумкин. У ерда эса бошқа бир француз бор. Зидан эса Бенземани таркибдан чиқаришни истамаяпти. 

Родриго ва Винисиус ўрнини йўқотади

Агар Азар ва Неймар янги тактикада ўйнашга қийналса, у ҳолда икки бразилиялик улардан кўпроқ қийналиши аниқ: тезлиги билан машҳур Родриго ва Винисиус майдонга тушиш учун бор кучи билан ҳаракат қилиши лозим бўлади. Лекин шунда ҳам уларга жой кафолатланмайди. Сабаби бу тактик схемада одатда улар тўп тепадиган позициянинг ўзи йўқ.

Ҳамон кўп гол ўтказиб юборилмоқда

Учта марказий ҳимоячи билан ўйнаш кўп тайёргарлик ҳамда координацияни талаб этади. Ушбу схемадан ҳозирги химоячилар билан биргаликда фойдаланишга бўлган уринишлар шуни кўрсатдики, жамоа ҳамон кўп гол ўтказиб юбормоқда...

Бироқ, 3-5-2 схемасининг бир қатор ижобий томонлари ҳам мавжуд.

Схема Марселога ёрдам беради

Уч марказий ҳимоячи билан Марсело олдинга бориш учун кўпроқ эркинликка эга бўлади. Сўнгги вақтларда бразилияликнинг ҳужум қилиши анча кучайди. “Рома”га қарши баҳсда урган голи ва голли узатмалари туфайли бунга яна бир бор гувоҳ бўлдингиз.

Марказий ярим ҳимоячилар муҳим роль ўйнаши мумкин

Агар ярим ҳимоячилар жамоавий ўйин тепм назорати борасида кўпроқ эркинликка эга бўлсалар, у ҳолда жамоанинг “ҳаракатлантирувчи кучи” янада фойдалироқ бўлади. Бундан ташқари, Тони Кросс ва Лука Модрич асосий вазифаларни ўз зиммаларига олишини ҳисобга олсак, Каземиро ҳимоядаги ишончлиликни буткул таъминлай олади.

Азарнинг эркинлиги

Зиданнинг муаммоларидан бири — Эден Азарнинг истеъдодидан максимал даражада фойдаланиш ва буни бажаришни унинг ўзига қўйиб бериш (ҳужумда унга эркинлик бериб). Ҳозирча белгиялик ушбу тактикада тўпга кўп бора эгалик қилмоқда.

Ташаббус Зидандан чиқди

Янги схема “Реал” учун ҳам яхши янгилик бўлди. Чунки у Зиданнинг тактикани ўзгартириш ва ривожлантириш йўлидаги мураббийлик салоҳиятини намоён этади. 3-5-2 тактикаси бўйича ўйнаш — Зизу шунчаки бор ишни давом эттирмай, жамоа муваффақиятга эришишида янги йўллар излаётганини, ўз устида ишлаётганини ҳам билдиради.


Нозима Зарипова таржимаси

Rating: +16   

Comments

championat.asia
< show latest news
Яндекс.Метрика