Зидан: “Яхши ўйин ўтказдик, бироқ ҳали ҳеч нарса ютмадик”

“Бошида қийин бўлди, гол ўтказганимиздан кейин эса яхшироқ ўйнашни бошладик. “Реал” ғалабага ҳақли эди. Яхши ўйнадик, аммо рақиб ҳам қолишмади. Ҳали ҳеч нарса ютганимиз йўқ. Олдимизда жуда кўп иш турибди. Азарга келадиган бўлсак — бугун у майдонга тушадиган вақт эмасди. Келаси ҳафта эса кўрамиз. Гарет ҳужумда ҳам ҳимояда ҳам яхши ишлади. Унга активлик етишмаяпти, шунинг учун уни алмаштирдим. Ҳамма бизда муаммолар бўлишини хоҳламоқда, бироқ у йўқ”, — дейди Зидан.