Зидан қайси клубни бошқаради? Мутахассис бу саволга жавоб берди

"Клуб президенти айтганидек биз хайрлашмаймиз. Бир умр бу клуб билан бўламан.

Ўзгаришлар вақти келди. Бу ҳамма учун тўғри қарор деб ўйлайман.

Меҳр ва қўллаб-қувватлаш учун "Реал"нинг барча мухлисларига миннатдорчилик билдираман. Мавсум давомида оғир дамларни бошдан кечирдик, аммо ишқибозларимиз босим ўтказишди ва бу бизни янада кучлироқ қилди.

Футболчиларга ўзгаришлар керак деб ўйлайман. Уларга раҳмат айтмоқчиман, чунки майдонда фақат футболчилар ҳаракат қилишади.

Бу клубдан доимо катта муваффақиятлар кутишади. Ҳозир улар кийиниш хонасида бошқа овозни эшитадиган вақт келди.

Жамоа қарорим ҳақида билади. Ҳар бир футболчи билан шахсан гаплашганим йўқ, бироқ улар менинг хабаримни олишди.

"Реал" сардори Серхио Рамос билан суҳбатлашдим. Биргаликда кўп қийинчиликларни бошдан кечирдик, у қароримни ҳурмат қилади. Рамос менга омад тилади. У етакчи, сардор, бу уч йил у билан ишлаш менга роҳат берди.

Айни дамда бирор жамоани бошқариш ёки таклифларни кўриб чиқиш ниятида эмасман" - дейди Зидан.