Жозе Моуринью: "Кейинги босқичга чиқа олишимизга ишонамиз"

— Мен ишонаман. футболчиларим ҳам. Бу — энг муҳими. Агар ПСЖ эртага турнирдан чиқиб кетишса, бу албатта уларни қаттиқ ҳафа қилади. Биз чиқиб кетсак эса кўпчилик кутган воқелик юз беради. Ҳолатимиз қалтис. Лекин бу бизни ташвишга солмаяпти.

— Эртага ўйин Лондон вақти билан 19:45да бошланади ва биз ўйинда ўйлаган барча ишимизни амалга оширишимизга ишонамиз. Футболчилар ўзларининг юқори савиялари, юксак мақсадлар сари интилишаётганини ва ўз кучларига бўлган ишончни кўрсатиб беришлари керак.

— Чемпионлар Лигаси доирасида юзлаб ўйинда мураббий сифатида қатнашдим. Бироқ ҳали ҳамон эртага нима бўлиши ҳақида олдидан бирор нарса дея олмайман, — дея Моуриньо сўзларидан УЕФА расмий сайти иқтибос келтирмоқда.