ЖЧ-2014да Бразилияга мағлуб бўлган Колумбия термасини Боготада қаҳрамонлардек кутиб олишди

CNN хабарига кўра, терма жамоани Колумбия пойтахти Боготада қаҳрамонлардек кутиб олишган; терма жамоа усти очиқ автобусда шаҳар кўчалари бўйлаб ҳаракатланганида футболчиларни минглаб колумбияликлар олқишлаган.

Тантаналарнинг сўнгги қисмида футболчилар Симон Боливар хиёбонида саҳнага чиқиб, мухлислар билан бирга мусиқа садолари остида рақсга тушишган.
 
Эслатиб ўтамиз, Колумбия терма жамоаси ЖЧ-2014 гуруҳ босқичида Греция (3:0), Кот-д’Ивуар (2:1), Япония (4:1) терма жамоаларини, нимчорак финалда эса Уругвай терма жамоасини (2:0) мағлуб этган, бироқ чорак финалда Бразилияга имкониятни (1:2) бой берганди.