ЖЧ-2014. Юнон аскарларининг кучи етмади ёхуд Колумбияда ғалаба

Ўйиннинг бешинчи дақиқасидаёқ Пабло Армеро ҳисобни очди. Гол уриб олганларидан кейин Пакерман шогирдлари ҳотиржам ҳаракат қила бошлашди. Греция терма жамоаси футболчиларига эса ҳужумларни самарали якунлаш учун аниқлик ва совуққонлик етишмади.

Биринчи бўлимда маэлум вақт давомида юнонлар устунликни ўз қўлларига олишди. Ўша вазиятларда Колумбияликлар тезкор қарши ҳужумлардан фойдаланишди.



Иккинчи бўлимда эса Греция футболчиларининг кучи қолмади. Пакерман шогирдлари кўплаб имкониятларга эга бўлишди, аммо, уларнинг ҳаммасидан ҳам унумли фойдалана олишмади.

58 дақиқада Агуилар томонидан етказиб берилган тўпни Гутиеррез Карнезис қўриқлаётган дарвозага жойлаб қўйди.



Ўтказиб юборилган иккинчи голдан сўнг юнон футболчиларининг ўйинида "брак"лар кўпайиб кетди, қасидир вазиятларда эса омад уларга кулиб боқмади.
Колумбияда Фалкаонинг йўқлиги билинмади, ҳар ҳолда анча бўш жамоа билан ўйин эди.

Учрашувнинг асосий вақтига бош ҳакам Марк Геигер қўшиб берган дақиқаларда ўйиннинг энг яхши футболчиси деб топилган Хамес Родригес чиройли зарба билан ҳисобни йириклаштириб қўйди. Шу тариқа Колумбия дастлабки уч очкони қўлга киритди.  



КОЛУМБИЯ - ГРЕЦИЯ 3:0

14 июнь. 21:00
Бош ҳакам: Марк Геигер (АҚШ)
Ёрдамчи ҳакамлар: Марк Син Хурд (АҚШ), Жой Флетчер (Канада)
Захира ҳаками: Алиризо Фағони (Эрон)

Колумбия – Греция  3:0 (1:0, 2:0)
Голлар: 1:0 – 5 Армеро,  2:0 – 58 Гутьеррес,  3:0 – 90 Х. Родригес.
Колумбия – Оспина, Суньига, Сапата, Йепес, Армеро (Арьяс, 74), Агиляр (Мехия, 69), К. Санчес, Куадрадо, Х. Родригес, Ибарбо, Гутьеррес (Дж. Мартинес, 76).
Греция – Карнезис, Торосидис, Папастатопулос, Манолас, Холебас, Кацуранис, Маньятис, Коне (Карагунис, 78), Салпингидис (Фетфацидис, 57), Самарас, Гекас (Митроглу , 64).
Огоҳлантиришлар: К. Санчес (26), Папастатопулос (52), Салпингидис (55).