ЖЧ-2014. Коста-Рикадан сенсация, Уругвайдан илк қизил карточка

Форталеза шаҳридаги стадионда бўлиб ўтган Уругвай - Коста Рика учрашувига берилган дастлабки таърифлар эди бу. Бир бошидан бошлаймиз...

ЖЧ-2014га қуръа ташланган вақтда кўпчиликнинг Коста Рикага раҳми келганди, аммо бугун ушбу давлат терма жамоаси ЖЧ-2010 ярим финалчиси ҳисобланган Уругвайни 3:1 ҳисобида мағлуб этди.



22-дақиқада уругвайликлар сардори Диего Лугано рақиб жарима майдони ичида йиқитилди, ҳакам пенальти белгилади. Уни ПСЖ ҳужумчиси Эдинсон Кавани совуққонлик билан аниқ амалга оширди - 1:0. Барчаси кутилгандек бошланди. Биринчи бўлим охирида Форланнинг Кейлор Навас Форланнинг зарбасидан кейин ҳимоячига тегиб, юқори бурчакка кириб бораётган тўпни тўсин устидан ошириб ташлади.

Танаффус вақтида Коста рикаликлар ўз мураббийларида яхшигина гап эшитишган шекилли буткул бошқача ўйнашни бошлаб юборишди. 54-дақиқада қанотдан жарима майдонига оширилган тўпни қайтаришда Уругвай ҳимоячилари суст ҳаракат қилишди. Тўпни тўхтатиб олган Кэмпбелл хотиржамлик билан чап оёғида кучли зарба берди, 1:1.

Орадан 3 дақиқа ўтиб жарима зарбасидан кейин тўп дарвоза яқинига оширилди ва Дуарте боши билан узоқ бурчакка тўпни айлаштириб ташлаб қўйди - 1:2!



83-дақиқада захирадан майдонга тушган Маркос Урена кейинги дақиқада Муслера дарвозасига гол урди - 1:3.  

Баҳс сўнггида Уругвай ҳеч бўлмаса битта тўп ҳам кирита олмади, буни ўрнига ҳимоячи Макси Перейра Жоель Кэмпбеллнинг оёғига атайин тепгани учун қизил карточка олиб майдонни тарк этди. Ушбу қизил карточка ЖЧ-2014даги биринчиси бўлганини таъкидлаш лозим.

Шу тариқа ўлим гуруҳидан ўрин олган яққол аутсайдер биринчи турда 3 очко қўлга киритиб, камида 3 соатга гуруҳда якка пешқадам бўлиб олди.



УРУГВАЙ - КОСТА-РИКА - 1:3 (1:0)
15 июнь. 00:00
Бош ҳакам: Феликс Брих (Германия)
Ёрдамчи ҳакамлар: Марк Борш (Германия), Стефан Лупп (Германия)
Захира ҳаками: Виктор Карилло (Перу)

Уругвай: Фернандо Муслера, Диего Лугано, Диего Годин, Вальтер Гаргано (Альваро Гонсалез, 60), Кристиан Родригез (Абель Эрнандез, 76), Диего Форлан (Николас Лодейро, 60), Кристиан Стуани, Макси Перейра, Аревало Риос, Эдинсон Кавани, Мартин Касерес.

Коста Рика: Кейлор Навас, Жанкарло Гонсалез, Михаэль Умана, Сельсо Боргес, Оскар Дуарте, Кристиан Боланьос (Баррантес, 88), Жоэль Кэмпбелл, Брайн Руиз (Урена, 83), Жуниор Диаз, Кристиан Гамбоа, Ельцин Техеда (Куберо, 74).

Голлар: Кавани 24-пен - Кэмпбелл 54, Дуарте 57. Урена, 84.

Огоҳлантиришлар: Лугано 49. Гаргано 56. Касерес, 81.

Четлатиш: Перейра, 90+4.


Нарзулла Сайдуллаев.