ЖЧ-2014. Еттита гол урилган кечада Франция зафар қучди

Салвадордаги "Фонте-Нова" стадионига йиғилган томошабинлар нақд 7та гол гувоҳига айланишди.



Биринчи бўлимда Оливье Жиру, Блез Матюиди ва Матье Валбуэна томонидан урилган голлар баҳс тақдирини амалда ҳал қилди. Бундан ташқари Бензема 33-дақиқада пенальтидан гол ура олмади.



Иккинчи бўлимда Бензема ўз ниятига барибир эришди. Бироз ўтиб айнан Каримнинг пасидан сўнг Сиссоко бешинчи голни Швейцария дарвозасига урди. Ҳисоб ўта йирик бўлиб кетгач Отмар Хицфильд шогирдлари ҳужумкорликни оширишди. Бунинг натижасида дастлаб жарима тўпидан Дземаили, кейинроқ ўйиндан Гранит Жака тўп киритиб ҳисобни бироз қисқартиришди - 2:5. Франциянинг иккинчи йирик ғалабаси, Дешам шогирдлари деярли кейинги босқичдалар.



ШВЕЙЦАРИЯ — ФРАНЦИЯ 2:5
Салвадор. “Фонте-Нова” стадиони.
Бош ҳакам: Бьорн Кейперс (Голландия)

Голлар: Дземаили 81, Жака 86 - Жиру 16, Матюиди 17, Вальбуэна 41, Бензема 65, Сиссоко 73.
Амалга оширилмаган пенальти: Бензема 33 (дарвозабон)

Швейцария – 1.Бенальо, 20.Журу, 13.Родригес, 5.фон Берген (4.Сендерос, 9), 2.Лихтштайнер, 10.Жака, 8.Инлер, 23.Шакири, 11.Бехрами (15.Дземаили, 46), 18.Мехмеди, 9.Сеферович (21.Дрмич, 69).

Франция – 1.Льорис, 2.Дебюши, 5.М. Сако (21.Косельни, 65), 4.Варан, 3.Эвра, 18.Сиссоко, 14.Матюиди, 6.Кабай, 8.Вальбуэна (11.Гризманн, 82), 10.Бензема, 9.Жиру (18.Погба, 63).

Огоҳлантириш: Кабай 88


Нарзулла Сайдуллаев.