Latest news

12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  6 11:56Тимур Кападзе Паулу Бенту ҳақида фикр билдирди  16 11:44Карлуш Кейруш: "Бир неча йил аввал Ўзбекистон футболи "уйқу"да эди"  7 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  5 10:53Довбик А Сериянинг бошқа жамоасига ўтишга яқин  3 10:28Хави Симонс фаолиятини АПЛда давом эттиради (Фабрицио Романо)  4 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1 08:56"Ньюкасл" Исакнинг ўрнига Германиядан ҳужумчи олиб келади  7 08:30"Ньюкасл" Исакни "Ливерпул"га сотишга рози бўлди  2 08:02Sofascore. Кечаги учрашувда Шомуродов ва Файзуллаев неча баҳога лойиқ кўрилди?  46 07:28Аморим энг ёмон натижани қайд этмоқда  5 01:51Расман: Оле-Гуннар Сульшер истеъфога чиқарилди  2 01:30Отабек Боймуродов: "Ҳар бир рақиб учун алоҳида тайёрланамиз"  5

ЖЧ-2014. "Е" гуруҳи. Шакирига аталган кеча ёхуд Швейцария кейинги босқичда News

ЖЧ-2014. "Е" гуруҳи. Шакирига аталган кеча ёхуд Швейцария кейинги босқичда

Жаҳон чемпионатининг "Е" гуруҳи ҳам якун ясалди. Кучли жамоалар кейинги босқичга йўл олишган бўлса, икки омадсиз жамоа мусобақани эрта тугатишга мажбур бўлишди.
Бу квартетнинг сўнгги турида Гондурас - Швейцария ҳамда Эквадор - Франция жамоалари ўзаро баҳс олиб боришди.

Гондурас - Швейцария ўйини олдидан гондурасликлар кейинги босқичга чиқиш имкониятини йўқотишганди. Швейцария эса ғалаба қозониши талаб этиларди. Гондурас учун ушбу ўйин катта аҳамиятга эга бўлмаган бўлсада, жамоа ўз мухлислари ва мундиалдан ғалаба қозониб қайтиш мақсадида чиройли ва очиқ ўйинни рақибларига таклиф этишди. Швейцария эса кўпроқ тезкор қарши ҳужумлардан фойдаланишни афзал билди. Учрашувнинг 6-дақиқасидаёқ Жердан Шакири ўзининг кучли ва аниқ зарбаси билан учрашувдаги ҳисобни очди, 0:1.

Гондурас жамоаси ўтказиб юборилган голдан сўнг ҳам ҳужумкорликни пасайтирмади ва асосий эътиборни олдинга қаратишди. Оттмар Хитцфельд жамоаси эса ўйиннинг 31-дақиқасида яна бир тўп киритишга эришди. Яна ўша тиниб-тинчимас Жердан Шакири жамоадоши Дрмичдан ажойиб пасни қабул қилиб олди ва аниқ зарбаси билан ўзининг иккинчи голини киритди, 0:2.



Иккинчи бўлимда ҳам Гондурас асосан ҳужумлар уюштирди. Лекин тўп киритиш яна швейцарияликларга насиб этди. Учрашувни юқори даражада ўтказган Жердан Шакири яна Дрмичдан тўпни қабул қилиб олди ва ўзининг аниқ зарбаси эвазига жамоасининг учинчи тўпини киритиб, учрашувда хет-трик қайд этди.
Жердан Шакирининг голлари Швейцарияни кейинги босқичга йўл олишини таъминлади.



Дидье Лешам жамоаси сўнгги тургача масалани ҳал этишганлиги учун, мураббий Эквадорга қарши ўйинда дастлабки икки турда захирада қолган баъзи футболчиларни туширди. Эквадор эса ғалаба қозониш учун бор куч-ғайратини ушбу баҳсга сарфлади. Кескин курашлар остила кечган бу учрашувда ҳеч бир жамоа гол кирита олмади. Ҳар иккала жамоада ҳам етарлича вазиятлар кузатилди, лекин тўпни дарвозага киргизадиган футболчи топилмади.  Муросасиз ўтган ўйинда жамоалар муроса кўчасини танлашди.



Шундай қилиб, ушбу гуруҳдан Франция ва Швейцария жамоалари кутилганидек кейинги босқичга йўл олишди.
Деярли барча гуруҳларда сенсациялар қайд этилган бўлса, бу квартетда кутилмаган натижалар кузатилмади ва олдиндан кейинги босқичга йўл олиши тахмин қилинган жамоалар ишончни оқлашди.

ЖЧ-2014. "Е" гуруҳи, 3-тур учрашувлари.

ЭКВАДОР - ФРАНЦИЯ 0:0
01:00. Рио-де-Жанейро. "Маракана" стадиони.
Бош ҳакам
: Нумандиз Дуэ (Кот-д'Ивуар).

Эквадор
: Домингез, Паредес, Гуагуа, Эрасо, Айови, Арройо (Ачилиер, 82), Минда, Нобоа (Кайседо, 89), Антонио Валенсия, Монтеро (Ибарра, 63), Эннер Валенсия.

Франция
: Льорис, Санья, Косьелни, Сахо (Варан, 60), Динь, Шнейдерлин, Погба, Матюиди (Жиру, 67), Реми, Гризманн (Реми, 79), Бензема.

Огоҳлантириш
: Эразо (83).

Четлатиш: Антонио Валенсия (50)


ГОНДУРАС - ШВЕЙЦАРИЯ 0:3
01:00. Манаус. "Амазония" стадиони.
Бош ҳакам:
Нестор Питана (Аргентина).

Голлар: Шакири (6, 31, 71)

Гондурас: Валладарес, Фигероа, Бернандез, Х.Гарсия, Паласиос, Бенгстон, Костли (Ж.Паласиос, 40), Б.Гарсия (Нажар, 77), Эспиноза, Кларос, Бекелес.

Швейцария: Бенальо, Лихштайнер, Инлер, Жака (Ланг, 77), Беҳрами, Родригез, Меҳмеди, Дрмич (Сеферович, 72), Журу, Шаер, Шакири (Жемайли, 87).

Огоҳлантириш: Ж.Паласиос (66).


"Е" гуруҳи
якуний жадвали.

#ЖамоаЎЮДМУГ - ЎГТ-НО
1Франция32108 - 267
2Швейцария32017 - 616
3Эквадор31113 - 304
4Гондурас30031 - 8-70

Rating:    

Comments

championat.asia
< show latest news
Яндекс.Метрика