ЖЧ-2013 (U-17). Ўсмирларимизнинг ўйин олди машғулотидан

Тошкент вақти билан соат 21:00да футболчиларимиз Шаржадаги “Шаржа Стэдиум”да Гондурасга қарши баҳсни бошлашади.

Кеча Дилшод Нуралиев шогирдлари шаҳар четига яқинроқ майдонда ўйинолди машғулотни ўтказишди. Қарийб 1 соат-у, 20 дақиқа давом этган машғулот аввалгилари каби қизғин кечди. Футболчилар дастлаб учтадан бўлинган ҳолда тўп билан ишлашди.

Машғулот айни қизиған маҳал ўйинчиларимиз майдоннинг ярмида иккига бўлиниб футбол ўйнашди. Машғулот тугаш арафасида эса футболчилар навбатма-навбат пенальтилар сериясини амалга оширишди (Ўсмирлар ўртасидаги жаҳон чемпионатининг плей-офф баҳсларида ўйиннинг асосий вақти дуранг натижа билан якун топса, шу заҳоти пенальтилар серияси бўлади, яъни қўшимча бўлимлар ўйналмайди). Ва ниҳоят машғулот охирида бироз чигалёзди машқларни бажаришди.