“Зенит” Саррига 4 млн евролик маош таклиф қилди, у эса...
21 may 2018 23:09
News

“Зенит” Саррига 4 млн евролик маош таклиф қилди, у эса...

Италиянинг “Наполи” клуби бош мураббийи Маурицио Сарри ҳамон “Зенит” жамоасини қабул қилиб олишга асосий номзод бўлиб турибди.

Санкт-Петербург клуби делегацияси Неаполда бўлиб, мураббий билан музокара ўтказди. Саррининг уйига Максим Митрофанов, Александр Дюков ҳамда адвокат Жулио Динилар ташриф буюришди.

“Зенит” расмийлари 59 ёшли мутахассисга йилига 4 миллион евролик маош ҳамда қўшимча бонуслар таклиф қилишди. Сарри тез кунда бу таклифга ўз жавобини беришини айтган.

Агар Сарри розилик берган тақдирда ҳам, “Зенит” “Наполи”га мураббий шартномани бузгани учун 8 миллион евро товон пули тўлаши керак бўлади.