"Зенит" "Краснодар" етакчисини Дзюбага алмашмоқчи бўлган

Олдинроқ, Фёдор Смолов "Зенит"да пайдо бўлиши мумкин эди. Ўшанда, "Краснодар" уни Александр Кокорин ёки Олег Шатовга алмашиб, қўшимча ҳақ ҳам олиш шарти билан таклиф қилган эди. "Зенит" эса юқоридаги ўйинчиларга ишонч билдирилгани сабаб рад этган эди. Кейинроқ, питерликлар бошқа таклиф билан чиқишди: Дзюба ва қўшимча пул Смолов учун. Бу сафар “Краснодар” рад жавобини берди. Сабаби, Галицкийнинг бу футболчига нисбатан ҳеч қандай қизиқиши йўқ эди. "Зенит" учун трансфернинг соф нархи 16 млн евро бўлиб, қўшимча бонуси эса 2 млн еврони ташкил этади. Аниқ қилиб айтадиган бўлсак, Дзюба Роберто Манчинининг ўйинчиси эмас. Жаҳон чемпионати олдидан бўлган вазиятга бош вазир Виталий Мутко аралашди.

Трансфер ойнаси ёпилишидан 3 кун аввал Смоловни алмаштириш борасида сўнгги қарор қабул қилинди. Фурсенко 10 млн евро ва 2 млн евро бонус эвазига Дзюбани ижарага беришни таклиф қилди. Галицкий ҳам ўзининг шартларини қўйди. У 16 млн евро + Дзюбани ижарага олишини айтди. "Зенит" эса бу вақтга қадар бюджетининг асосий қисмини сарфлаб юборгани туфайли шартга рози бўла олмади ва битимдан воз кечди.

Мана шу кеч олиб борилган музокаралар Дзюбанинг "Локомотив"га ўтишини барбод қилди.