"Ювентус"нинг икки футболчиси "Монца"га қарши ўйинни ўтказиб юборади

"Ювентус" ярим ҳимоячиси Хуан Куадрадо ва ҳужумчи Аркадиуш Милик Италия чемпионатининг 7-туридан ўрин олган "Монца" билан баҳсда майдонга тушмайди. "Бьянконери" бош мураббийи Массимилиано Аллегри ҳам учрашувда қатнашмайди, деб хабар берди "Corriere dello Sport".

Куадрадо, Милик ва Аллегри "Салернитана"га қарши ўйинда қизил карточка олди. Уларнинг барчаси А Серияда 1 турга дисквалификаcия қилинган.

"Монца" – "Ювентус" учрашуви 18 сентябрь, якшанба куни бўлиб ўтади. Бошланиш вақти – Тошкент вақти билан 18:00 да.