"Ювентус"да мураббий ўзгаради

Маълумотларга кўра, "Аталанта"га қарши Италия Кубоги финали, А Серияда ўтказиладиган "Болонья" ва "Монца"га қарши баҳслар 56 ёшли мутахассис учун Турин клуби бош мураббийи сифатида ўтказган сўнгги учрашувлари бўлади.

"Юве" А Сериянинг сўнгги 5та баҳсининг барчасида дуранг қайд этди, охирги 15та учрашувда эса бор-йўғи 2та ғалабага эришди. Жамоа жадвалда 4-ўринни эгаллаб турибди ва келаси мавсум Чемпионлар лигасида иштирок этади.

Эслатиб ўтамиз, Аллегри 2014-2019 йилларда "Ювентус"да ишлаб, 5та чемпионлик совринини қўлга киритган эди. 2021 йилда Турин клубига қайтган мутахассис соврин юта олмади.