"Ювентус" жамоадаги италияликлар сонини оширмоқчи

Бьянконерилар сўнгги ҳафтада "Милан"ни 2:0 ҳисобида мағлуб этди, аммо уларнинг таркибида бор-йўғи битта италиялик - ҳимоячи Жоржо Кьеллини бор эди. Маълумотларга кўра, клуб спорт директори Фабио Паратичи ички бозорни ўргана бошлади ва "Ювентус"нинг уч асосий мақсадини аниқлаб олди.

"Кекса синьора" трансфер рўйхатида қуйидаги футболчилар бор: Федерико Кьеза ("Фиорентина"), Николо Барелла ("Кальяри") ва Сандро Тонали ("Брешия"). Ушбу футболчиларни қўлга киритиш қийин бўлади, чунки Кьеза айни дамда 60 млн еврога баҳоланмоқда, Бареллага эса "Рома" ҳамда "Интер" қизиқиш билдирмоқда, Тонали учун эса Италиянинг барча клублари курашишмоқчи.