"Ювентус" футболчиси Парижга эмас, Дортмундга йўл олади
03 jan 2020 23:49
News

"Ювентус" футболчиси Парижга эмас, Дортмундга йўл олади

Германиялик ярим ҳимоячи "Боруссия" таркибига қўшилишга яқин турибди.

"Calciomercato" нашри хабарига кўра, Туриннинг "Ювентус" клуби ярим ҳимоячиси Эмре Жан январда клубни тарк этиши ойдинлашган. 25 ёшли германиялик футболчи ўйин амалиёти камлиги туфайли "кекса синьора" лагерида ортиқ қолмоқчи эмас. Дортмунднинг "Боруссия"си футболчини сотиб олишга тайёр. Айтишларича, томонлар аллақачон шартнома шартларини ўзаро келишиб олишган. Жаннинг трансфери 25 миллион еврога бахоланмоқда.

Эслатиб ўтамиз, аввалроқ ярим ҳимоячи фаолиятини ПСЖ да давом эттириши мумкинлиги ҳақида хабарлар тарқалганди.