“Ювентус” Дуглас Костани 40 миллион евро эвазига сотиб олди

Бразилиялик футболчи ўтган мавсумда “бьянконери”лар сафида ижара асосида тўп тепди.

Турин клуби футболчи учун 40 миллион евро тўлаб берди. “Бавария” яна бир миллион еврони бонус сифатида олиши мумкин.

27 ёшли футболчининг туринликлар билан келишуви 2022 йилгача амалда бўлади.

Якунига етган мавсумда Дуглас Коста “Ювентус” сафида барча турнирларда 47 та учрашувда майдонга тушди ва 6 та гол уриб, 15 та голга ҳаммуаллифлик қилди.