“Юве” сафига бразилиялик футболчи қўшилди

“Фламенго” ҳимоячиси Весли Турин суперклуби сафини тўлдирди. Бразилиялик футболчи ўзининг Инстаграм саҳифасида “Ювентус”га ўтганлигини маълум қилди.

Машҳур агент Мино Райоланинг мижози ҳисобланадиган Весли эркин агент сифатида Италия жамоаси билан шартнома тузди.

Ўнг қанот ҳимоячиси ўтган йилнинг май ойидан буён майдонга тушгани йўқ. У “Фламинго” раҳбарияти билан келишолмай қолгач, мураббийлар уни таркибга киритмай қўйишган.

19 ёшли ҳимоячи Бразилия термаси сафида 2017 йилда ўсмирлар ўртасида ўтказилган Жанубий Америка кубогида ғолибликни қўлга киритган.