Юрий Лукин: “Ҳимоядаги хатоларимиз панд берди”

-Ўйин жанговар руҳда ўтди ва мухлисларга ёқди, деб ўйлайман. Бизга айрим дақиқаларда ҳимоя чизиғида барқарорлик ва совуққонлик етишмади. Шу сабаб бугун мағлуб бўлдик. “Насаф” юқори савиядаги жамоа. Таркибдаги футболчилар бир неча йиллардан буён бирга тўп тепиб келишмоқда. Жамоанинг ўз ўйин услуби, ўз етакчилари бор. Бир неча йиллардан буён қаршиликларнинг ўйинини кузатиб келаман. Улар кўрсатаётган ўйин менга ёқади, очиғи...

-Ваҳобовни бугун иккинчи таймга келиб майдонга туширдиингиз...
-Биз уни иккинчи бўлимга майдонга тушириб, ўйинни кучайтиришни мақсад қилгандик. У ишончни оқлади ва гол урди. Аммо бу керакли натижа учун камлик қилди.

-Жорий мавсумда жамоа олдига қандай вазифалар қўйилган?
-Имкон борича жадвалнинг юқори поғоналарини банд этиш. Аммо ўтказилган бешта тур доирасида биз “Пахтакор, “Бунёдкор” ва “Насаф” билан куч синашишга мажбур бўлдик. Албатта, тақвим шундай тузилган. Ўйлайманки, бундан буёғига биз яхши натижаларни қайд эта бошлаймиз. Жамоамиз жанговар таркибга эга ва биз ғалабага чанқоқмиз. Умуман бугунги ўйинда йигитларимизнинг ҳаракатларидан қониқдим. Улар жон жаҳдлари билан ҳаракат қилиб ўйнашди.