Юрген Клопп: «Умумий ҳисобни унутиб қўйдим, 7:6, тўғрими?»

«Бу қойилмақом ўйин бўлди. Рақиб катта таваккал қилди ва бизни қарши ҳужумда жазолади, аммо кейин гол ўтказиб юборишди.

Ҳимоямиз дарвозага жуда ҳам яқин ўйнади, бундай ўйнаш керак эмас. Ҳар бир қарши ҳужум хавфли бўлди, аммо биз вазиятлардан фойдалана олмадик.

Кўплаб футболчилар илк бор ярим финалда ўйнашди, уларда ҳаяжон бор эди.

Биз финалга чиқишга 100 фоиз ҳақли эдик. Омадсиз у ерга чиқиб бўлмайди. Кеча «Реал»га ҳам омад керак бўлди.  

Олдимизда премьер-лигадаги иккита муҳим ўйин бор, кейин финал, биз максимум натижа қайд этишга уринамиз.

«Рома»билан шунчаки дахшатли ўйинлар бўлди. Умумий ҳисобни унутиб қўйдим. 7:6, тўғрими? Ғаройиб», – дейди Клопп.