Юрген Клопп: «Ҳисобга қараманг, «Сток» билан ўйин қийин ўтди»
28 dec 2016 08:14
News

Юрген Клопп: «Ҳисобга қараманг, «Сток» билан ўйин қийин ўтди»

«Ливерпуль» устози Юрген Клопп «Сток Сити»га қарши ўйиндан сўнг (4:1) ўз фикрларини билдирди.

«Ўйин жуда қийин ўтди. Натижага қараманг, баҳс оғир бўлди. «Сток» сафида Крауч бор эди, демак улар қандай ўйнашларини тахминан билардик.

Узун ҳаводан бериладиган паслар хавфли чиқди. Балки, «Сток» Краучни 45 ёшида ҳам майдонга туширса керак.

Чиройли гол урдик, кейин яна битта. Кейин ўйин назоратини ўз қўлимизга олдик. «Сток» ўтказилган голлардан сўнг у қадар тез ҳаракат қила олмади. Ғалабага ҳақли эдик», – дейди Клопп.