Юрген Клопп: “Ҳимоямизни танқид қилишлари мени хавотирга солмайди”

“Манчестер Сити”нинг қандай даражадаги жамоа эканлиги барчага маълум. Шунга мос равишда биз ҳам ғалаба учун ҳаракат қилдик. Қувонарли томони, биз ўз мақсадимизга эришдик. Биз душанба куни яна ўйин ўтказамиз.

Биз жуда кўп вазиятлар яратдик, деб айтолмайман. Бизга буни амалга ошириш қийин эди. Биз ҳақиқатан ҳам яхши ҳимояландик ва ажойиб гол киритдик. Нисбатан солиштирганда бизда рақибга қараганда яхши имкониятлар бўлди.

Кўпчилик бизнинг ҳимоямиз ҳақида гапираётганидан хабарим бор. Аммо ҳимоядаги ҳаракатларимиз бу “қуруқ” учрашувлар эмас, балки жамоанинг саъй-ҳаракатлари натижаси. Бугунги баҳсга шогирдларимни диққатини жамлаши муҳим ҳолат эди ва улар бу ишни яхши уддалашди. Ҳимоямизни танқид қилишлари мени хавотирга солмайди”, дейди Клопп.