"Ёзёвон Лочинлари" ўртоқлик учрашувида ғолиб бўлди

Аввалги хабарларимизда Абдусамад Дўрмоновнинг жамоа бош мураббийлигидан истеъфога чиққанлиги ҳақида маълумот бергандик. Бугун жамоага янги бош мураббий тайинланган. Ҳозиргача иккинчи лига жамоаларида фаолият олиб борган Ислом Исмоилов жамоанинг янги бош мураббийи этиб тайинланди. Янги бош мураббий қўл остидаги футболчиларни текшириб олиш мақсадида бугун иккинчи лига вакили Марғилоннинг "СЛС-Орзу" жамоасига қарши ўртоқлик учрашувида майдонга тушдилар. Ёзёвондаги "Марказий" ўйингоҳида бўлиб ўтган учрашувда ёзёвонликлар 4:2 ҳисобида ғалабага эришдилар. Бу учрашув "Ёзёвон Лочинлари" жамоасининг иккинчи босқичга тайёргарлик вазифасини ўтаб берди.