"Ёзёвон-Лочинлари" бадал пулининг ярмини тўлади

ПФЛ бу борада мавжуд 30та клубни трансфер ойнаси очилишидан олдиноқ огоҳлантириб келди. Натижада Суперлига клубларидан тортиб, Про-Лига жамоаларига қадар ПФЛга ҳисобот топширди. Яъни, клублар бўйнидаги қарздорликлар, уларнинг футболчи ва мураббийлар олдидаги мажбуриятлари аниқ-тиниқ белгилаб олинди. Бироқ "Ёзёвон-Лочинлари" клуби раҳбарияти трансфер ойнаси вақтида ПФЛ талабини бажаришга бепарволик билан муносабатда бўлди.  

Фақатгина Про лигада ёзги танаффус якунланишига 2 кун қолганидагина ушбу жамоа вакиллари ҳаракатга тушишди. Кеча клуб бадал пулидан мавжуд бўлган қарздорликнинг ярмини тўлади. Шу боисдан "Ёзёвон-Лочинлари" клубига 20-тур ўйинини ўтказишга рухсат берилди. Энди мазкур жамоа келаси тур старт олишидан 1 кун аввал (14 августгача)тўлиқ ҳисоб-китоб қилиши зарур бўлади. Йўқса жамоа Про-Лигадан муддатидан олдин четлаштирилади.