Ёшларимиздан “Оқ-тепа” дарвозасига жавобсиз учта гол

Биринчи лигадан олий лигага чиқишни кўзлаётган “Оқ-тепа”га қарши кечган баҳсда ёшлар терма жамоамиз йирик 3:0 ҳисобида зафар қучди. Айтиш мумкинки, бу ўйинда “Оқ-тепа” ўзидан ҳеч нарса кўрсата олмади. Жамоанинг ўйини жуда қашшоқ чиқди.

Шунингдек, терма жамоамиз намойиш этган футболни ҳам зўр деб бўлмайди. Тўп узатишлардаги хатолар ниҳоятда кўп бора кўзга ташланди. Шунга қарамай, 3:0 ҳисобидаги ғалаба қўлга киритилди.

Аввалига Элдор Шомуродов ҳисобни очди, кейин биринчи тайм охирларида Забихилло Ўринбоев ҳисобни 2:0га оширди. Иккинчи таймда эса Миржамол Қосимов пенальтидан тўп киритиб, ҳисобни йирик кўринишга келтирди. Равшан Ҳайдаров бошқараётган жамоа бугун тунда Туркияга учиб кетади ва Истанбул шаҳрида 17-19 август кунлари Албания ёшларига қарши иккита ўртоқлик учрашувида майдонга тушади.

Ўртоқлик учрашуви. 13 август

Ўзбекистон (U-19) - “Оқ-тепа” - 3:0
Голлар: Э.Шомуродов, З.Ўринбоев, М.Қосимов (пенальти)

Ўзбекистон (U-19): Дилшод Ҳамроев, Достон Турсунов, Акром Комилов, Жамшид Болтабоев, Отабек Шукуров, Элдор Шомуродов, Забихилло Ўринбоев, Достон Ҳамдамов, Одил Ҳамробеков, Фирдавс Абдусалимов, Жавоҳир Соҳибов.

Захирадан тушганлар: Сарвар Каримов, Рустам Ашурматов, Иброҳим Абдуллаев, Сардор Азимов, Миржамол Қосимов, Жавоҳир Сиддиқов, Хуршид Ғиёсов, Иззатилла Абдуллаев, Элёр Мўйдинов, Аслиддин Абдиев, Андрей Сидоров, Шерзод Абдураимов.