Ёшларимиз Таиланд клубини йирик ҳисобда мағлуб этди
21 sep 2014 19:02
News

Ёшларимиз Таиланд клубини йирик ҳисобда мағлуб этди

Бугун Равшан Ҳайдаров бошқарувидаги Ўзбекистон ёшлар терма жамоаси Таиланддаги иккинчи назорат учрашувини ўтказди.

Иккинчи назорат баҳсида ҳам жамоамизга Таиланд ёшлар терма жамоаси рақиблик қилиши кўзда тутилган эди. Баъзи сабабларга кўра ёшларимиз бугун терма жамоага эмас , Банкокнинг "Гласс" клубига қарши назорат учрашувини ўтказди. Ушбу баҳсда ёшларимиз йирик 4:1 ҳисобида ғалабага эришди.

Учрашувда голларга жамоамиздан Отабек Шукуров, Равшан Хурсандов, Забиҳулло Ўринбоев, Миржамол Қосимовлар муаллифлик қилди.

Таъкидлаш лозим, ёшларимиз биринчи назорат учрашувида 2:0 ҳисобида Таиланд ёшларини мағлуб этган эди. Ушбу учрашувда голларни Отабек Шукуров ва Достонбек Ҳамдамовлар киритган.

Эслатиб ўтамиз, Ўзбекистон U-19 ёшлар терма жамоаси 9-23 октябрь кунлари Мьянмада ўтказиладиган ёшлар ўртасидаги ОЧ финал босқичида иштирок этади.

Ўртоқлик учрашуви.
21 сентябрь, Банкок, Таиланд.
"Гласс" - Ўзбекистон (U-19) - 1:4
Голлар: Отабек Шукуров, Равшан Хурсандов, Забиҳулло Ўринбоев, Миржамол Қосимов

Link :

Source : championat.asia

Receive latest football news directly on your phone. Subscribe for our Telegram channel!

Rating: